خرم رسول کے جسماني ريمانڈ ميں چار روز کي توسيع

اسلام آباد… وزير اعظم کے سابق ميڈيا کوآرڈينيٹرخرم رسول کے جسماني ريمانڈ ميں چار روز کي توسيع کردي گئي.، عدالت نے خرم رسول کے ميڈيکل چيک اپ کي درخواست بھي منظور کر لي. وزير اعظم کے سابق ميڈيا کوآرڈينيٹر خرم رسول کوچار روزہ ريمانڈ کي تکميل پر سينئرسول جج اسلام آباد کي عدالت ميں پيش کيا گيا.ايف آئي اے کے وکيل کي جانب سے استدعا کي گئي کہ خرم رسول کا مزيد سات دنوں کا جسماني ريمانڈ ديا جائے.عدالت کي جانب سے ہدايت کي گئي کہ ايل پي جي فراڈ کيس اور چيني کوٹہ فراڈ کيس ميں الگ الگ درخواستيں جمع کرائي جائيں.جس کے بعدعدالت کي جانب سے خرم رسول کامزيدچار روز کا ريمانڈ دے ديا گيا.اس موقع پر خرم رسول نے عدالت ميں ايف آئي اے کے حوالے سے الزام لگايا کہ انہيں جسماني اور ذہني طور پر ايذا دي جارہي ہے.خرم رسول نے زباني استدعا کي کہ اس کاطبي معائنہ کرايا جائے.خرم رسول کا مزيد کہنا تھا کہ ايف آئي اے ايل پي جي فراڈ کيس ميں 63 کروڑ روپے ادا کرنے کے لئے دباو ڈال رہي ہے حالانکہ يہ معاملہ 12 يا 13 کروڑ کي لين دين کا ہے، نيب نے ان کي جائيداد ضبط کر رکھي ہے، اس صورتحال ميں کيسے رقم ادا کريں.عدالت نے خرم رسول کي زباني استدعامنظور کرتے ہوئے ايف آئي اے کو اس کے طبي معائنہ کرانے کا حکم دے ديا.خرم رسول کو اب سات فروري کو عدالت ميں دوبارہ پيش کياجائے گا.