تازہ ترین
زبیر گل کے خلاف ہونے والی سازش تمام تارکین وطن کے خلاف سازش ہے ،لیگی عہدیداران         مسلم لیگ ن سپین کے صدر ایاز عباسی اور سرپرست اعلی حاجی اسد حسین کی وزیر انفارمیشن ٹیکنالوجی انوشہ رحمان سے ملاقات         پاکستانی کمیونٹی کے مسائل کا حل اؤلین ترجیح ہو گی ، خیام اکبرسفیر پاکستان میڈرڈ         مسلم لیگ ن سپین آج شام سات بجے کایئے چلی میں جشن منائے گی ، مٹھائی تقسیم کی تقریب بھی ہو گی         کشمیریوں پر ایک ماہ میں 13 لاکھ پیلٹ گنز فائر کیےگئے،کشمیر پولیس         چار روزہ ورلڈ موبائل کانگریس بارسلوناکا اختتام ، انوشہ رحمان کی شرکت         سوسائٹی فار کرائسٹ اور مسلم لیگ ن سپین کی سانحہ شاہدرہ پر مشترکہ پریس کانفرنس         پاکستانی سیاست کے یورپی ممالک میں مقیم پاکستانیوں پر اثرات ، پاک نیوز سروے رپورٹ         MWC 2018: the biggest news from Mobile World Congress in Barcelona         پاکستان پیپلز پارٹی برطانیہ میں تقرریوں کا سلسلہ جاری         بھارتی لیجنڈری اداکارہ سری دیوی انتقال کرگئیں         کوئٹہ گلیڈی ایٹرز نے لاہور قلندرز کو 9 وکٹوں سے ہرا دیا         ویسٹ انڈیز کا دورئہ پاکستان خطرات سے دوچار         سائرہ پیٹر کی پی لیک فیسٹیول میں شاندار پرفارمنس         اردوان نے اپنے بدترین دشمن سے ہاتھ ملا لیا        
20170422_215320 (Small)

اوورسیز کنونشن کی کامیابی پر مسلم لیگ ن سپین کا چوہدری امانت مہر اور ان کی ٹیم کے اعزاز میں شاندار عشائیہ

بارسلونا(پاک نیوز) پاکستان مسلم لیگ ن سپین کے عہدیداران کی جانب سے سپین میں اوورسیز کمیشن پنجاب کے وفد کی آمد اور پاکستانی کمیونٹی کے مسائل کو سننے اور ان کے حل کو یقینی بنانے کے لئے منعقد کئے گئے اوورسیز کنونشن کے انعقاد میں چوہدری امانت مہر ،چوہدری امتیاز آکیہ اور ھافظ عبدالرزاق صادق کی کوششوں اور خدمات کو خراج تحسین پیش کرنے کے لئے ایک شاندار عشائیے کا اہتمام کیا جس میں مختلف شعبہ ہائے زندگی سے تعلق رکھنے والے معززین نے شرکت کی ۔عشایئے کا آغاز تلاوت کلام پاک سے ہوا جس کی سعادت مرزا ندیم بیگ نے حاصل کی ۔مرزا ندیم بیگ نے تلاوت کے بعد عشایئے کے انعقاد کا مقصد تفصیل سے بیان کرتے ہوئے کہا کہ آج کا یہ عشائیہ چوہدری امانت مہر اور ان کے ساتھیوں کو خراج تحسین پیش کرنے کا ایک یادگار لمحہ ہے ، جس کے لئے اس چھت کے نیچے تمام معززین اکھٹے ہوئے ہیں ، انہوں نے کہا کہ چوہدری امانت مہر اس شخصیت کا نام ہے جو کبھی بھی بخل سے کام نہیں لیتے ، بلکہ وہ اپنی جیب سے خرچ کرکے پاکستانی کمیونٹی کے مسائل کو حل کرانے کی سعی کرتے ہیں ، مرزا ندیم بیگ کے بعد عشائیہ کے مہمان خصوصی چوہدری امانت مہر نے اپنے خیالات کا اظہار کرتے ہوئے کہا کہ ہر کام ٹیم ورک سے ہوتا ہے اور میرے ساتھ چوہدری امتیاز آکیہ ، محمد اقبال چوہدری ، پاکستان مسلم لیگ ن کے صدر حاجی اسد حسین ، ایاز عباسی ، شاہد ملک ، میاں عمران ساجد ، میاں اظہر ، مہر قمر علی چوہدری ، راجو الیگزینڈر ، اور حافظ عبدالرزاق صادق سمیت سپین کے پاکستانی میڈیا نے مکمل تعاون کیا اور میرا ساتھ دیا جس کے لئے میں سب کا مشکور ہوں ، انہوں نے کہا کہ اوورسیز کمیشن پنجاب کے وفد کا بارسلونا مین آنا اور یہاں اوورسیز کنونشن کا انعقاد یقینی بنانا ایک خواب کی مانند تھا جو پورا ہوگیا ، چوہدری امانت مہر کا کہنا تھا کہ ہمیشہ پیاسا کنویں کے پاس جاتا ہے لیکن پہلی بار ایسا ہوا ہے کہ کنواں پیاسے کے پاس چل کر آیا ہے یعنی اوورسیز کمیشن پنجاب کا وفد خود یورپی ممالک کے دورہ کے دوران بارسلونا پہنچا اور وفد نے پاکستانی کمیونٹی کو پوچھا کہ انہیں کیا مسائل ہیں ، کمیونٹی نے بھر پور انداز مین اپنے مسائل بیان کئے جنہیں حل کرانے کی مکمل یقین دہانیاں کرائی گئیں ، چوہدری امانت مہر نے کہا کہ حکومت پاکستان کا یہ احسن اقدام ہے جسے جتنا سراہا جائے وہ کم ہے ، پاکستان مسلم لیگ ن سپین کے ڈپٹی جنرل سیکرٹری ملک شاہد حسین نے اپنے خطاب میں کہا کہ اوورسیز کمیشن پنجاب کے وفد کو بارسلونا بلا کر اوورسیز کنونشن کا انعقاد ایک بہترین کاوش ہے جو اوورسیز پاکستانیوں کے مسائل کو جلد اور تیزی سے حل کرنے کے عمل کو یقینی بنائے گا ، جس کے لئے ہم سب چوہدری امانت مہر اور ان کے دوستوں کے مشکور ہیں ، انہوں نے کہا کہ تقاریر پھر کسی دن کریں گے آج سب مل جل کر کھانا کھاتے ہیں اور انجوائے کرتے ہیں ، عشایئے کے اختتامی الفاظ کہتے ہوئے پاکستان مسلم لیگ ن سپین کے صدر حاجی اسد حسین نے کہا کہ مسلم لیگ ن کی حکومت اوورسیز پاکستانیون کے مسائل سے بخوبی واقف ہے اسی لئے وہ ان مسائل کو حل کرانے کی پالیسیاں مرتب کر رہی ہے ، انہوں نے کہا کہ اوورسیز کنونشن کا انعقاد اسی سلسلے کی ایک کڑی ہے جو تارکین وطن پاکستانیون کے مسائل کو حل کرانے کی  کامیاب مہم ثابت ہو گی ۔عشایئے میں حمید اختر ، چوہدری نوید وڑائچ ، پرویز اختر جانی ، راجہ ذوالفقار آف بڑھنگ ، ایاز عباسی ، چوہدری رمضان ، ملک شاہد ، میاں عمران ساجد ، راجو الیگزینڈر ، مہر قمر علی چوہدری ، چوہدری امتیاز آکیہ ، حافظ عبدالرزاق صادق ، یوتھ ونگ سپین کے آرگنائزر ایاز مٹھانہ ، چوہدری عمران بادشاہ گجر، چوہدری افضال ، حاجی خالد  اور دوسرے  لیگی راہنماوں کارکنان اور عہدیداران نے بھر پور شرکت کی ۔