تازہ ترین
زبیر گل کے خلاف ہونے والی سازش تمام تارکین وطن کے خلاف سازش ہے ،لیگی عہدیداران         مسلم لیگ ن سپین کے صدر ایاز عباسی اور سرپرست اعلی حاجی اسد حسین کی وزیر انفارمیشن ٹیکنالوجی انوشہ رحمان سے ملاقات         پاکستانی کمیونٹی کے مسائل کا حل اؤلین ترجیح ہو گی ، خیام اکبرسفیر پاکستان میڈرڈ         مسلم لیگ ن سپین آج شام سات بجے کایئے چلی میں جشن منائے گی ، مٹھائی تقسیم کی تقریب بھی ہو گی         کشمیریوں پر ایک ماہ میں 13 لاکھ پیلٹ گنز فائر کیےگئے،کشمیر پولیس         چار روزہ ورلڈ موبائل کانگریس بارسلوناکا اختتام ، انوشہ رحمان کی شرکت         سوسائٹی فار کرائسٹ اور مسلم لیگ ن سپین کی سانحہ شاہدرہ پر مشترکہ پریس کانفرنس         پاکستانی سیاست کے یورپی ممالک میں مقیم پاکستانیوں پر اثرات ، پاک نیوز سروے رپورٹ         MWC 2018: the biggest news from Mobile World Congress in Barcelona         پاکستان پیپلز پارٹی برطانیہ میں تقرریوں کا سلسلہ جاری         بھارتی لیجنڈری اداکارہ سری دیوی انتقال کرگئیں         کوئٹہ گلیڈی ایٹرز نے لاہور قلندرز کو 9 وکٹوں سے ہرا دیا         ویسٹ انڈیز کا دورئہ پاکستان خطرات سے دوچار         سائرہ پیٹر کی پی لیک فیسٹیول میں شاندار پرفارمنس         اردوان نے اپنے بدترین دشمن سے ہاتھ ملا لیا        
pic-net-jang

اسپین ۔کتاب تنہائی کابہترین ساتھی اورلکھنے والے کو زندہ رکھنے کا زریعہ ہے ، عرفان الحق صدیقی

بارسلونا(پاک نیوز ) کتاب جہاں علم سے نوازتی ہے وہاں وہ تنہائی کا بہترین ساتھی اور لکھنے والے کو ہمیشہ زندہ رکھنے والی چیز ہے ،دیار غیر میں رہتے ہوئے اور یہاں کی مصروفیات کے باوجود وقت نکال کر کتاب لکھنا اور اُس کتاب میں تارکین وطن پاکستانیوں کی نشاندہی کرنا احسن اقدام ہے ، اِن خیالات کا اظہار معروف کالم نگار ، مصنف ، تجزیہ کار اور وزیر اعظم پاکستان کے مشیر برائے قومی ورثہ عرفان الحق صدیقی نے شفقت علی رضا کی لکھی کتاب ’’ قلمی سرگوشیاں ‘‘ کی بارسلونا میں تقریب رونمائی سے خطاب میں کہی ۔تقریب کا آغاز تلاوت کلام پاک سے کیا گیا جس کی سعادت راجہ ساجد نے حاصل کی ۔تقریب سے پاکسلونا ریڈیو کے ڈائریکٹر راجہ شفیق کیانی ، پیام امن ایسوسی ایشن کی صدر محترمہ جوزفین کرسٹینا ، مسلم لیگ ن سپین کے صدر حاجی اسد حسین ،چیف آرگنائزر یورپ حافظ امیر علی اعوان ،چوہدری عابد رانجھا ، میاں عمران ساجد اور محمد اقبال چوہدری نے بھی اپنے خیالات کا اظہار کرتے ہوئے کہا کہ قلمی سرگوشیاں تارکین وطن کے مسائل اور ان کے حل کے لئے حکومتی ایوانوں کے دروازے پر دستک دینے کا بہترین ذریعہ ثابت ہوئی ہے ، انہوں نے کہا کہ ہم امید رکھتے ہیں کہ شفقت علی رضا یہ سلسلہ جاری رکھیں گے کیونکہ ایسی کتاب اور اُس کا مواد ایک طرح سے صدقہ جاریہ ہے کیونکہ اِس سے دیار غیر میں مقیم بہت سے پاکستانیوں کے مسائل حل ہوئے ہیں یا حل ہونے کی پوزیشن میں آگئے ہیں اور اُس کی وجہ سے یہ قلمی سرگوشیاں ہی بنی ہے ۔جہاں تارک وطن پاکستانی کی آواز نہین پہنچ سکتی وہاں اِس کتاب کا مواد ضرور پہنچا ہے ۔تقریب میں چوہدری امتیاز آکیہ ، افتخار کیش اینڈ کیری ، حافظ رزاق ،ایاز عباسی اور چیف آرگنائزر مسلم لیگ ن سپین چوہدری افضال وڑائچ نے خصوصی شرکت کی تھی ۔تقریب کے اختتام پرشفقت علی رضا نے مہمان خصوصی کا شکریہ ادا کرتے ہوئے کہا کہ عرفان الحق صدیقی کا میری تقریب میں شرکت کے لئے پاکستان سے بارسلونا آنا میرے لئے کسی انعام سے کم نہیں ، اس کے ساتھ ساتھ میں تقریب میں شامل تمام خواتین و حضرات کا دل کی اتھاہ گہرائیوں سے شکریہ ادا کرتا ہوں جنہوں نے اپنا قیمتی وقت مجھے دیا ، ساتھ ساتھ یہ وعدہ بھی کرتا ہوں کہ تارکین وطن کے مسائل حل ہونے تک اپنی آواز اسی طرح بلند رکھوں گا تاکہ پاکستان کے حکام بالا تک ہمارے مسائل کی کھنک پہنچتی رہے ۔