تازہ ترین
نیا پاکستان پینل سپین کی جانب سے تبدیلی پینل فرانس کو جیت کی مبارک باد         حاجی اسد حسین کی صدارت میں مسلم لیگ ن سپین کا اہم اجلاس ، ملکی حالات پر بات چیت         مقبوضہ بیت المقدس قدیم ترین شہروں میں سے ایک         پی ٹی آئی سپین کا پہلا باقاعدہ اجلاس 10 دسمبر کو ہو گا ، ممبران بھر پور شرکت کریں گے         بیلجیم کے ہزاروں بچوں کو روزانہ ڈپریشن کی گولیاں کھانے پر کس نے مجبور کیا ، آپ بھی جانیں         اے ٹی ایم کیش مشینیوں میں لاکھوں کے فراڈ کا انکشاف ، حقائق جان کر آپ بھی حیران رہ جائیں گے         امریکی سپریم کورٹ بھی ٹرمپ کی حامی نکلی ، چھ مسلم ممالک کے داخلے پر پابندی کا حکم نامہ جاری         طاہر رفیع کو سیوتادانس پارٹی کی طرف سے کاتالونیا کی صوبائی اسمبلی کے انتخابات کے لئے انتخابی فہرست میں شامل ہونے پر دلی مبارک باد         الحاج چوہدری کرامت حسین مہر کے اعزاز میں عشائیہ کے شرکا کی تصاویر         راجہ شفیق کیانی ، جاوید مغل اور افضال احمد بیدار کی طرف سے دیئے گئے عشائیہ میں الحاج چوہدری کرامت حسین مہر کا محمد اقبال چوہدری ، چوہدری امتیاز آکیہ اور شفقت علی رضا کے ساتھ گروپ فوٹو         سوشلسٹ پارٹی کی جانب سے کتالونیا کے صوبائی الیکشن میں بطور ایم پی اے حصہ لینے والے حافظ عبدالرزاق صادق سوشلسٹ پارٹی کے ممبران و عہدیداران کے ساتھ         ادارہ ہم وطن کی جانب سے الحاج چوہدری کرامت حسین مہر کے اعزاز میں یادگاری شیلڈ کا تحفہ         پاکستان سے آئے الحاج چوہدری کرامت حسین مہر کی بارسلونا کی مختلف شعبہ ہائے زندگی سے تعلق رکھنے والی شخصیات کے ساتھ تصاویر         راجہ شفیق کیانی ، جاوید مغل اور افضال احمد بیدار کی جانب سے پاکستان سے آئے الحاج چوہدری کرامت حسین مہر کے اعزاز میں دیئے گئے عشائیہ میں اویس عابد مہر تلاوت کلام پاک کی سعادت حاصل کرتے ہوئے         الحاج چوہدری کرامت حسین مہر کے اعزاز میں دیئے جانے والے عشائیہ میں افضال احمد بیدار خطاب کرتے ہوئے ہوئے        
l_347666_123847_updates

آئیفا ایوارڈ کا میلہ ’اڑتا پنجاب ‘ نے لوٹ لیا

بالی ووڈ میں فلم فیئرکے بعد دوسرے بڑے ’ انٹرنیشنل انڈین فلم اکیڈمی ایوارڈ‘آئیفا کا میلہ اداکار شاہد کپور،اداکارہ عالیہ بھٹ اور فلم اڑتا پنجاب نے لوٹ لیا ۔

امریکی شہر نیویارک میں سجے 18ویں آئیفا ایوارڈ کی رنگارنگ تقریب میں عالیہ بھٹ ،کترینہ کیف،دیپکا پڈوکون ، شاہد کپور،سیف علی خان ،کرن جوہر ،انوپم کھیر ،شبانہ اعظمیٰ ،موسیقار اے آر رحمان سمیت دیگراداکاروں نے شرکت کی ۔

تمام بڑے فلمی ستاروں سے سجی تقریب میں اداکار اپنی شاندار پرفارمنس اور دیدہ زیب ملبوسات نے شائقین کی توجہ کا مرکز بنے رہے۔

ایوارڈ تقریب میں انڈیا کے معروف موسیقار اے آر رحمان کے بالی وڈ میں 25 پورا ہونے کے لیے مخصوص اہمیت کا حامل رہا ہے اور اس موقعے پر ان کی خدمات کا اعتراف کیا گیا۔

فلمی میلے کو انوراگ کشپ اور ہدایت کار ابھیشیک چوبے کی فلم اڑتا پنجاب نے لوٹ لیا ،فلم کی ہیروئن عالیہ بھٹ بہترین اداکارہ قرار پائیں تو شاہدکپور بہتر ہیرو کا ایوارڈ لے اڑے، فلم میں پنجابی گلوکار دلجیت ڈوسانج کو بہترین میل ڈیبوٹینٹ کا ایوارڈ دیا گیا۔

خیال رہے کہ فلم اڑتا پنجاب کو نمائش کی اجازت کے لیے بڑے پاپڑ بیلنے پڑے تھے اور سنسر بورڈ کی جانب سے فلم میں 30 سے زائد اعتراض لگائے تھے ،جس پر فلمسازوں نے ہائیکورٹ سے فلم کی نمائش کی اجازت لی تھی، لیکن اب یہی فلم آئیفا ایوارڈ کی تقریب میں چھائی رہی۔

فلم ’نیرجا‘ میں شبانہ اعظمی کو بہترین اداکاری پر بہترین معاون اداکارہ اور انوپم کھیر کو فلم ’ایم ایس دھونی ان ڈولڈ اسٹوری‘ میں بہترین معاون اداکار کا ایواڈ دیا گیا۔

آئیفا ایوارڈ میں سب سے بہترین فلم کا ایوارڈ سونم کپور کی فلم ’نیرجا‘ کے نام رہا،نوجوان اداکار ورون دھون نے فلم ’ڈشوم‘ میں بہترین مزاحیہ اداکار کا ایوارڈ اپنے نام کیا۔

ہدایت کار کرن جوہر کی فلم ’اے دل ہے مشکل‘ میں بہترین موسیقی دینے پر موسیقار پریتم کو بہترین میوزک ڈائریکٹر کا ایوارڈ دیا گیا۔

’آئیفا وومن آف دا ائر‘ کا ایوارڈ اداکارہ تاپسی پنوں کو اداکارہ پریٹی زنٹا نے دیا، انہیں یہ ایوارڈ پنک میں اداکاری کے لیے دیا گیا ہے۔