تازہ ترین
سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق         سپین۔گستاخانہ خاکوں کے خلاف احتجاجی مظاہرہ ، ہزاروں افراد کی شرکت         گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام        
1501480605dailyausaf

شاہ رخ خان نے اپنی فلم کی تاریخ تبدیل کردی

اسلام آباد (ویب نیوز)بالی ووڈ کنگ شاہ رخ خان نے بھارتی فلم انڈسٹری کے کھلاڑی اکشے کمار کے ساتھ فلم جب ہیری میٹ سیجل اور ٹوئلٹ، ایک پریم کتھا کے درمیان تصادم سے بچنے کیلئے اپنی فلم کی تاریخ تبدیل کردی۔بالی ووڈ میں دو بڑی فلموں کے درمیان تصادم کا اثرفلموں کے بزنس پرپڑتا ہے جس کی وجہ سے بڑے سپراسٹارزکی فلموں کو بھی اکثر ناکامی کا منہ دیکھنا پڑتاہے، اس کی سب سے بڑی مثال رواں سال ریلیز ہونے والی شاہ رخ خان کی فلم رئیس اور ہرتیک روشن کی فلم قابل ہیں، جن کی ایک ہی دن ریلیز کا اثر دونوں فلموں کے بزنس

پر پڑا اوردونوں فلمیں باکس آفس پرتوقع کے مطابق بزنس کرنے میں ناکام رہیں ۔بھارتی میڈیا کے مطابق شاہ رخ کی فلم جب ہیری میٹ سیجل اور اکشے کمار کی فلم ’’ٹوائلٹ‘‘ ایک پریم کتھا 11 اگست کو ریلیز ہونی تھیں لیکن کنگ خان کی جانب سے تاریخ تبدیل کیئے جانے کے بعد اب فلم جب ہیری میٹ سیجل 11 اگست کے بجائے 4 اگست کو نمائش کیلئے پیش کی جائے گی۔اکشے کمار نے شاہ رخ خان کی جانب سے اٹھائے جانے والے اس قدم کوسراہتے ہوئے کہا ہے کہ فلموں کے درمیان تصادم کا اثر نہ صرف ہیرو پر بلکہ فلم کی پوری ٹیم پر پڑتا ہے۔ کیونکہ ایک فلم کو بنانے میں کئی لوگوں کی محنت اور پیسہ لگاہوتا ہے اس لیے اگر فلم باکس آفس پر ناکام ہوجائے تو بہت مایوسی ہوتی ہے۔لہذا شاہ رخ خان کا اپنی فلم کی تاریخ کو تبدیل کرنا خوش آئند ہے اس طرح ہم دونوں کی فلمیں الگ الگ ریلیز ہوں گی اور شائقین کی توجہ ایک وقت میں ایک فلم دیکھنے پرمرکوز رہے گی۔انہوں نے مزید کہا کہ سال میں 52 ہفتے اور180 فلمیں ہوتی ہیں اس لیے فلموں کے درمیان تصادم یقینی بات ہے۔بالی ووڈ کے علاوہ ہالی ووڈ ،سائوتھ انڈین اور دیگرعلاقائی زبانوں کی فلمیں بھی تھیٹر کی زینت بنتی ہیں اس لیے فلموں کے درمیان تصادم سے بچنے کی جتنی بھی کوشش کی جائے ہمیں اس کا سامنا لازمی کرنا پڑے گا۔