تازہ ترین
یوم آزادی پاکستان چودہ اگست کو ہی منایا جائے گا ، رامبلہ راوال پر شام پانچ بجے ، چوہدری ثاقب طاہر         یوم آزادی پاکستان کا بڑا پروگرام پریشان رامبلہ پر کل 14 اگست شام پانچ بجے منعقد ہو گا         گجرات رائل ٹی وی کے نمائندے پر قاتلانہ حملے کی مزمت کرتے ہیں ، پاکستان پریس کلب پرتگال         ترکی سےیورپ جانے والے 645 افراد گرفتار،پاکستانی شامل         جرمنی، ہیمبرگ کی سپرمارکیٹ میں چاقو کے حملے میں ایک شخص ہلاک ، 6 دیگر افرادزخمی         بارسلونا،سانتاکلومیں میوزیکل فیسٹیول آتشزدگی کے باعث کینسل         مسئلہ کشمیرپرکانفرنس کاانعقادخوش آئندہے،چوہدری لطیف اکبر         عمران کی بدولت آج قوم جشن منارہی ہے،علوی خان         پاکستان کی کمزورخارجہ پالیسی کی وجہ سے مسئلہ کشمیرسردخانے کی زینت بن گیا،چوہدری یاسین         آئرلینڈ،تحریک انصاف،منہاج القرآن کاپانامہ فیصلہ پریوم تشکر         وزیر اعظم پاکستان کی نا اہلی کو مسترد کرتے ہیں ، مسلم لیگ ن سپین         اب آئندہ کس کی باری ہے ، وقت جلد فیصلہ کرے گا ، حاجی اسد حسین         شاہد خاقان عباسی کو بطور وزیر اعظم منتخب ہونے پر مبارک باد پیش کرتے ہیں ، مسلم لیگ ن سپین         مسلم لیگ ن پاکستان میں اپنی حکومت پوری کرے گی ، ایاز عباسی ، ملک شاہد حسین ، خلیم بٹ         کل بھی نواز شریف کے ساتھ تھے ، آج بھی ہیں اور ہمیشہ رہیں گے ، چوہدری محمد ادریس        
1501426911dailyausaf

پاکستان کی کمزورخارجہ پالیسی کی وجہ سے مسئلہ کشمیرسردخانے کی زینت بن گیا،چوہدری یاسین

مقبوضہ کشمیر میں بھارتی سکیورٹی اداروں کی جارحیت’ انسانی حقوق کی پامالی’ عورتوں کی عصمت دری’ نوجوانوں کی جان بوجھ کر پیلٹ گن ے نشانہ بنا کر بینائی سے محروم کرنا روز کا معمول بن گیا ہے ایسے میں بین الاقوامی سطح پر پاکستان کی کمزور خارجہ پالیسی کی وجہ سے مسئلہ کشمیر سرد خانے کی زینت بن گیا ہے اور عالمی انسانی حقوق کی تنظیموں کا کردار سوالیہ نشان ہے۔ بھارت کے وزیراعظم مودی اور پاکستان کے سابق حکمرانوں کے اجتماعی مفادات کی بدولت کشمیری قوم ظلم کی چکی میں پس رہی ہے۔ یہ باتیں آزاد کشمیر کے سابق سینئر وزیر اور موجودہ اپوزیشن لیڈر چوہدری محمد یاسین نے مقامی ریسٹورنٹ میں ایک پریس کانفرنس کے موقع پر کیا۔ انہوں نے مزید کہا کہ بحیثیت کشمیری ہماری اولین ترین ترجیح ہے کہ سرحد کے اس پار کشمیریوں پر ہونے والے مظالم کے بارے بھرپورکردار ادا کریں میں نے اس مقصد کے لئے اپنی زندگی کو وقف کردیا ہے کشمیر کے بیٹے بریان مظفر وانی شہید کی قربانی ضرور رنگ لائے گی اس سے تحریک آزادی کشمیر میں مزید تیزی آئی ہے۔ 19 ستمبر کو سوئٹزر لینڈ کے شہر جنیوا میں اقوام متحدہ کے انسانی حقوق کے ہیڈ کوارٹر میں اجلاس منعقد ہورہا ہے ہم نے اس سلسلے میں ایک بھرپور مظاہرے کا پروگرام بنایا ہے اس مقصد کے لئے اس پریس کانفرنس کا انعقاد کیا ہے برطانیہ اور یورپ بھر کے محب الوطن کشمیریوں کو اس میں شرکت کرکے بھارتی سرکار کی مقبوضہ کشمیر میں وحشیانہ کارروائیوں اور جارحیت بارے عالم اقوام کو توجہ دلانا ہوگی۔ میں بھی اس سلسلے میں لوگوں کے پاس جا کر آگاہی دونگا اور میڈیا کی بھی ذمہ داری ہے کہ وہ اس سلسلے میں اپنا کردار ادا کرے کیونکہ اس وقت عالمی سطح پر اس بارے بھرپور آگاہی نہیں ہے ہمیں اس پر بہت زیادہ کام کرنے کی اشد ضرورت ہے۔ پاکستان کی موجودہ سیاسی صورتحال بارے انہوں نے کہا پہلی دفعہ عدالت عظمیٰ نے آزادانہ اور غیر جانبدارانہ بغیر کسی دبائو کے طاقتور کو قانون کے مطابق سزا دی ہے جو کہ ایک خوش آئند بات ہے۔ میاں نواز شریف جو پچھلے 37 سالوں سے سیاست کے میدان مین اپنے حریفوں کے لئے کرتے آئے ہیں آج اسی کے جال میں پھنسے ہیں مسئلہ کشمیر کو پچھلے چار سالوں میں میاں نواز شریف نے بحیثیت وزیراعظم پس پشت ڈال دیا اس کی بنیادی وجہ بھارت میں ان کے کاروبار ہیں۔ انہوں نے ملکی مفادات کو ترجیح دینے کی بجائے ذاتیات کا تحفظ کیا سیاست میں رشوت خوری’ خرید و فروخت ‘ اداروں میں من پسند افراد کی تعیناتی غرضیکہ پورے انفراسٹرکچر کو یرغمال بنایا ہوا تھا آخر یہ تو ہونا ہی تھا۔ انہوں نے کہا کہ اس طرح کشمیر کونسل کے فنڈز کا ناجائز استعمال کرکے آزاد کشمیر میں ہونے والے انتخابات میں دھاندلی کرکے جماعت کو دو تہائی اکثریت دلوائی ہم نے صرف جمہوریت کی خاطر قبول کیا۔ معاشرے کی تعمیر و ترقی کے لئے تعلیم کا عام ہونا ضروری ہوتا ہے ہم نے اپنے دور حکومت پانچ یونیورسٹیاں’ تین میڈیکل کالج اور ایک میڈیکل یونیورسٹی کا اجراء کیا اس سے پہلے آزاد کشمیر کے طلباء و طالبات کو پاکستان بھر کے دور دراز علاقوں کی یونیورسٹیوں میں ایک کڑے مرحلے کے بعد داخلہ ملتا تھا آزاد کشمیر کی تاریخ میں پہلی دفعہ ایسا ہوا مرکزی شاہرائوں کی کشادگی کی گئی ہمارا دور اقتدار سنہری تھا جبکہ ہمارے آج کے حکمران نوکریاں دینے کی بجائے تمام محکمہ جات میں سے لوگوں کو فارغ کرکے بے روزگار کررہے ہیں یہ منطق سمجھ سے بالاتر ہے۔ انہوں نے میڈیا کا شکریہ ادا کیا جو مختصر نوٹس پر تشریف لائے۔