تازہ ترین
گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام         برطانیہ کی یورپی یونین سے علیحدگی کا بل کامنز میں منظور، ووٹ نے عوام کی طاقت ثابت کردی، وزیراعظم         ان گنت طبی فوائد لیے چھوٹا سا بیج ’’تخم بالنگا‘‘        
l_377634_072452_updates

وزیراعظم گھر کی صفائی کریں انہیں کس نے روکا ہے؟چوہدری نثار

وزیراعظم شاہد خاقان عباسی کے بیان پر سابق وزیر داخلہ چوہدری نثار کا ردعمل سامنے آگیا۔

سابق وزیر داخلہ چوہدری نثار نے وفاقی وزراء خواجہ آصف اور احسن اقبال کے بعد وزیراعظم شاہد خاقان کو بھی اپنی تنقید کی لپیٹ میں لے لیا ہے۔

وزیراعظم شاہد خاقان کے ’’گھر صاف کرنے‘‘ کے بیان پر تنقید کرتے ہوئے انہوں نے کہا کہ وزیراعظم گھر کی صفائی ضرور کریں انہیں کس نے روکا ہے؟

چوہدری نثار کا کہنا ہے کہ ایسے بیانات سے دشمن کے بیانیے کو تقویت ملتی ہے،اس بیانیے سے پاکستان کا دنیا میں تماشا نہ بنائیں،ایسے بیانات سے گریز کریں جس سے دشمن طاقتوں کا پاکستان مخالف بیانیہ مضبوط ہو۔

سابق وزیرداخلہ کا یہ بھی کہنا ہے کہ پاکستان میں آگ اور خون کی ہولی کھیلی جارہی ہے، گھرکی صفائی پرکسی کو اعتراض نہیں، آپ بیانات کے بجائے عملی کام پر توجہ دیں۔

چوہدری نثار نے کہا کہ پچھلے چار سال میں جتنی گھرکی صفائی کی اس کی مثال نہیں ملتی، بہت سا کام کرنے کی گنجائش موجود ہے۔

انہوں نے مزید کہا کہ ایسے بیانات سے پاکستان کا مؤقف عالمی سطح پر کمزور ہوتا ہے،کبھی بھارتی حکومت یا ان کے سیاست دانوں نے اس بات کا اعتراف بھی کیا ہے؟

چوہدری نثارعلی خان کا یہ بھی کہنا تھا کہ بھارت میں غیر ملکی مہمانوں پر تشدد کیا جاتا ہے، بھارت میں مسلمانوں کو گائے کی بے حرمتی کے نام پر قتل کر دیا جاتا ہے۔

گزشتہ روز وزیراعظم شاہد خاقان عباسی نے وزیر خارجہ خواجہ آصف کے مؤقف کی حمایت کرتے ہوئے کہا تھا کہ وہ بھی گھر صاف کرنے کے حامی ہیں۔