تازہ ترین
سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام         برطانیہ کی یورپی یونین سے علیحدگی کا بل کامنز میں منظور، ووٹ نے عوام کی طاقت ثابت کردی، وزیراعظم         ان گنت طبی فوائد لیے چھوٹا سا بیج ’’تخم بالنگا‘‘         اسمارٹ فون پھٹنے سے ملائیشین ٹیکنالوجی کمپنی کا سربراہ ہلاک        
haji-asad-new12-paknews

ضمنی الیکشن میں بیگم کلثوم نواز کی جیت جمہوریت اور حق سچ کی جیت ہے ، حاجی ا سد حسین

بارسلونا(پاک نیوز) این اے 120کے ضمنی الیکشن میں بیگم کلثوم نواز کی جیت نے ثابت کر دیا ہے کہ زندہ دِلان لاہور مسلم لیگ ن کو جمہوریت کی علمبردار جماعت اور موجودہ حکومت کو ہی پاکستان کو ترقی کی منازل طے کرنے میں مدد گار سمجھتے ہیں ۔ اِن خیالات کا اظہار پاکستان مسلم لیگ ن سپین کے صدر حاجی اسد حسین نے بیگم کلثوم نواز کی جیت کی خوشی میں ہونے والے اظہار تشکر اجلاس میں کیا ۔اجلاس میں ڈپٹی جنرل سیکرٹری ملک شاہد حسین ، انفارمیشن سیکرٹری شاہد مغل ، مسلم لیگ ن یوتھ ونگ سپین کے صدر چوہدری افضال وڑائچ ، نائب صدر چوہدری نثار احمد ، سر پرست اعلیٰ میاں محمد اظہر ، چیئر مین مہر قمر علی چوہدری ، جنرل سیکرٹری راجو الیگزینڈر سمیت دوسرے مقررین نے اپنے خیالات کا اظہار کرتے ہوئے کہا کہ لاہور کے حلقہ این اے 120میں مسلم لیگ ن کی جیت جمہوریت کی جیت ہے ، اِس جیت نے ثابت کر دیا ہے کہ میاں محمد نواز شریف آج بھی پاکستانی عوام کے دلوں پر حکومت کرتے ہیں ، انہوں نے کہا کہ دھرنا اور لانگ مارچ سیاست دم توڑ چکی ہے ،پاکستانی عوام اب پاکستان کو ترقی کرتا دیکھ رہے ہیں اِس لئے 2018کے الیکشن میں بھی مسلم لیگ ن ہی حکومت بنائے گی ۔اجلاس سے سینئر نائب صدر میاں عمران ساجد ، نائب صدر چوہدری محمد ادریس اور چیف ایڈوائزر ایاز عباسی نے پاکستان سے ٹیلی فونک خطاب کرتے ہوئے کہا کہ ضمنی الیکشن کسی ایک سیٹ کی جیت کا معاملہ نہیں تھا بلکہ یہ جمہوری اور دھرنا سیاست کا مقابلہ تھا جو جمہوری قوت نے جیت لیا ، انہوں نے کہا کہ اب تحریک انصاف اپنا مورال کھو چکی ہے اور باقی ماندہ نتائج 2018کے الیکشن میں نظر آ جائیں گے ، انہوں نے کہا کہ اب عمران خان کو چاہیئے کہ وہ ضمنی اور آنے والے مستقبل کے الیکشن میں ابھی سے اپنی شکست تسلیم کر لیں ۔اس موقع پر وطن عزیز کی سلامتی اور بیگم کلثوم نواز کی صحت یابی کے لئے دعائیں کی گئیں اور شرکاء اجلاس نے ضمنی الیکشن کی جیت میں مٹھائیاں تقسیم کیں ۔