تازہ ترین
سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق         سپین۔گستاخانہ خاکوں کے خلاف احتجاجی مظاہرہ ، ہزاروں افراد کی شرکت         گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام        
pic-cricket-spain-net

سپین ۔ ایلیٹ ڈیوس ٹی ٹونٹی کرکٹ کپ مرثیہ مارشیز کلب نے جیت لیا

بارسلونا(پاک نیوز) سپین کے شہر مرثیہ کے نواحی علاقے’’ پیناتار سان پیدرو ‘‘ کے اسٹیڈیم میں جاری ایلیٹ ڈیوس ٹی ٹونٹی کرکٹ ٹورنامنٹ مارشیز کرکٹ کلب برطانیہ نے جیت لیا ۔ فائنل میں مارشیز کلب نے کاتالونیا ٹائیگرز کلب بارسلونا کو میچ کی آخری گیند پر ایک سکور حاصل کرکے یہ ٹورنامنٹ 5وکٹوں سے جیتا ۔مارشیز کلب نے ٹاس جیت کر پہلے باؤلنگ کا فیصلہ کیا ، کاتالونیا ٹائیگرز کی ٹیم نے بیس اوورز میں 140سکور کیا جس کے جواب میں مارشیز کلب نے مقررہ اوورز کی آخری گیند اور پانچ کھلاڑی آوٹ پر 141سکور کرکے کپ اپنے نام کر لیا ۔ مین آف دی میچ مبین راجہ ، بہترین باؤلر ناروے ٹیم کے ذیشان اور بہترین بلے باز مارشیز کلب کے حسنین علی قرار پائے ۔ اس ٹورنامنٹ میں برطانیہ ، ناروے اور سپین کی کرکٹ ٹیموں نے حصہ لیا ۔ٹورنامنٹ کے اختتام پر تمام کرکٹ ٹیموں کے اعزاز میں عشائیہ کا اہتمام کیا گیا جہاں تقسیم انعامات کی تقریب اور محفل موسیقی منعقد ہوئی ، ٹورنامنٹ کی ونر ٹرافی مارشیز کرکٹ کلب کے کپتان عامر خان اور رنر اپ ٹرافی کاتالونیا ٹائیگرز کرکٹ کلب بارسلوناکے کپتان حافظ سرور نے وصول کی ۔ انٹرنیشنل ایمپائر اسد روف اور قومی کرکٹ ٹیم کے سابق مینجر اظہر زیدی خصوصی طور پر ٹورنامنٹ میں شمولیت کے لئے پاکستان سے سپین پہنچے تھے جنہوں نے اپنے دست مبارک سے کھلاڑیوں میں انعامات تقسیم کئے ۔ اس موقع پر ایلیٹ ڈیوس ٹی ٹونٹی کرکٹ ٹورنامنٹ لیگ کے چیئر مین سلیم یاسین آرگنائزرز ڈاکٹر گلفام ،وسیم طیب اور محمد خلیل نے اعلان کرتے ہوئے کہا کہ ہم یورپی ممالک یعنی فٹ بال کے گھر میں کرکٹ کے فروغ کے لئے ہر سال ایسے ٹورنامنٹ کا انعقاد یقینی بنائیں گے تاکہ ان ممالک کی نئی نسل اور یہاں مقیم پاکستانی نوجوان کرکٹ کھیل سکیں اور اس کھیل میں زیادہ سے زیادہ دلچسپی لیں کیونکہ ایسی مثبت اور صحت مندانہ سرگرمیاں ہمیں مقامی کمیونٹی کے نزدیک کر کے ہمارے بارے میں اچھا تاثر قائم کر سکتی ہیں ۔