تازہ ترین
سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق         سپین۔گستاخانہ خاکوں کے خلاف احتجاجی مظاہرہ ، ہزاروں افراد کی شرکت         گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام        
picss1

سپین۔کاتالونیا پریمیئرکرکٹ لیگ بارسلونا قلندرز نے جیت لی

بارسلونا(پاک نیوز)کاتالان کرکٹ فیڈریشن کے زیر اہتمام ہونے والی پہلی کاتالونیا پریمئر لیگ 2017کا فائنل بارسلونا قلندرز کلب نے جیت لیا ۔تفصیلات کے مطابق کاتالونیا پریمئر لیگ میں شامل پانچ ٹیموں کے مابین کانٹے دار مقابلے ہوئے جن میں بارسلونا قلندرز ، تاراگونا گلیڈی ایٹرز ، جرونا رائلز ، لالیدہ لائنز اور کاتالونیا کنگز نامی ٹیمیں شامل تھیں ۔سیمی فائنل میں کاتالونیا کنگز نے تاراگونا گلیڈی ایٹرز کو ہرا کر فائنل کے لئے کوالیفائی کیا ۔فائنل میچ میں کاتالونیا کنگز نے ٹاس جیت کر پہلے بیٹنگ کا فیصلہ کیا اور مقررہ بیس اوورز میں 115رنز بنائے جس کے جواب میں بارسلونا قلندرز نے 116رنز کا ٹارگٹ آسانی سے پورا کر لیا اور کاتالونیا پریمئر لیگ کا فائنل جیت کر ٹرافی اپنے نام کر لی ۔فائنل میچ کی دلچسپ بات یہ تھی کہ پاکستان کے سابق قومی کرکٹرز آل راونڈر عبدالرزاق اور یاسر عرفات بھی بارسلونا قلندرز کی جانب سے کھیلے ۔جن کو اسٹیڈیم میں موجود پاکستانی کمیونٹی نے بھر پور داد دے کر خوش آمدید کہا ۔فائنل میچ کے مہمان خصوصی سپین کے معروف بزنس مین اور بارسلونا قلندرز فرنچائز کے اونر چوہدری امانت مہر کے والد گرامی الحاج چوہدری کرامت حسین مہر تھے جو خصوصی طور پر پاکستان سے سپین پہنچے تھے ۔رنر اپ ٹرافی کاتالونیا کنگز کے کپتان عدیل راجہ نے حاصل کی جبکہ ونر ٹرافی بارسلونا قلندرز کے کپتان بابر مرزا نے مہمان خصوصی الحاج کرامت حسین مہر سے وصول کی ۔مین آف دی میچ زردان خان ، بہترین باؤلر سکندر رضا اور مین آف دی سیریز بابر مرزا قرار پائے ، ان کھلاڑیوں کو عابد رانجھا ، حافظ عبدالرزاق صادق ، محمد اقبال چوہدری ، عمران ملک نے انعامات دیئے ۔ فائنل میچ کے ریفری ملک عدنان تھے ۔اس موقع پر روزنامہ جنگ سے بات کرتے ہوئے آل راونڈر عبدالرزاق اور یاسر عرفات نے کہا کہ ہمیں سپین میں پاکستانی ینگ ٹیلنٹ کے ساتھ کرکٹ کھیل کر بہت اچھا لگا ہے ، انہوں نے کہا کہ یورپی ممالک فٹ بال کاگھر ہیں لیکن پاکستانی کمیونٹی نے یہاں کرکٹ کے فروغ کے لئے نمایاں کوششیں کی ہیں ، انہوں نے کہا کہ ایسے میچ ہماری نوجوان نسل کو کرکٹ کی جانب راغب کرنے کے لئے مددگار ثابت ہو سکتے ہیں ۔انہوں نے کہا کہ اس سال اسٹیڈیم میں کرکٹ کے شائقین کی تعداد نے بھی ہمیں بڑاحوصلہ دیا ہے اور اُمید ہے کہ آئندہ سال یہ تعداد کئی گنا زیادہ ہو گی ۔