تازہ ترین
پاکستانی سٹیج اداکاروں کی پردے کے پیچھے کی کہانی دیکھیں اس ویڈیو میں         لگرونیو والی بال ٹورنامنٹ میں چوہدری عزیز امرہ اور سبط امرہ مہمان خصوصی تھے وہاں کی یادگار تصاویر         سپین ۔ جشن آزادی شوٹنگ والی بال چیلنج کپ گجر کلب نے جیت لیا         بارسلونا میں انڈیا کے آزادی کے دن کو یوم سیاہ کے طور پر منایا گیا ، البیلا ٹی وی کی رپورٹ         پاکستان مسلم لیگ ن سپین کے صدر چوہدری محمد افضال سے میڈیا کی ملاقات         سپین۔ تیسرا ایشیاءٹی ٹوئنٹی کرکٹ کپ پاکستان نے جیت لیا         چوہدری موسی الہی کو خوش آمدید کہتے ہوئے چوہدری عبدالغفار مرہانہ کے اشتہار کا عکس         چوہدری موسی الہی کو بارسلونا آمد پر خوش آمدید کہتے ہیں ، چوہدری عبدالغفار مرہانہ         ملک عمران اور مرزا بشارت مہمان خصوصی چوہدری عزیز امرہ کا استقبال کرتے ہوئے         ملک عمران کرکٹ کی خدمت کے ساتھ ساتھ شعبہ نقابت میں بھی کمال کرتے ہیں         سپین۔تیسرے ایشیاءٹی 20 کرکٹ کپ ٹرافی کی تقریب رونمائی، مہمان خصوصی چوہدری عزیز امرہ تھے         سپین ۔ تیسرے ایشیاءٹی 20 کرکٹ کپ ٹرافی کی تقریب رونمائی         چوہدری تنویر کوٹلہ کے اعزاز میں عشائیہ ، راجہ شعیب ستی ، نوید وڑائچ، راجہ سونی و دیگر کی شرکت         سنجرانی کے خلاف عدم اعتماد تحریک کی ناکامی اپوزیشن جماعتوں کی ناکامی ہے ، چوہدری نوید وڑائچ         برازیل کی جیل میں 2 گروپوں میں تصادم، 52 قیدی ہلاک        

معروف انڈین اداکار ششی کپور 79سال کی عمر میں چل بسے

ہندی فلموں میں رومینٹک ہیرو کی حیثیت سے شہرت پانے والے ششی کپور ممبئی کے اسپتال میں چل بسے، ان کی عمر 79سال تھی۔

بھارتی فلمی دینا پر عرصے سے راج کرنے والے کپور خاندان کے چشم و چراغ ششی کپورطویل عرصے سے بیمار تھے۔

ششی کپور نے قائد اعظم محمد علی جناح پر بننے والی پاکستانی فلم جناح میں بھی اداکاری کے جوہر دکھائےجبکہ 100 سے زائد فلموں میں بطور ہیرو اور اہم کردار ادا کیے، وقت، دیوار، سلسلہ، شان، نمک حلال ان کی مشہور فلمیں ہیں۔

بلیک اینڈ وائٹ سینما کے نامور اداکار پرتھوی راج کپور کے کلکتہ میں واقع گھر میں 18 مارچ 1938ء کو ششی کپور پیدا ہوئے جن کا اصل نام بلبیر راج کپور تھا۔

ششی کپور نے اپنے والد پرتھوی راج کے نام سے منسوب پرتھوی تھیٹر میں بھی اداکاری کے جوہر دکھائے، جبکہ 40 کی دہائی کے اواخر میں بطور چائلڈ ایکٹر اپنے فلمی کیرئیر کا آغاز کیا، اس دور کی نمایاں فلموں میں آوارہ، سنگرام اور دانہ پانی شامل ہیں۔

بھارتی لیجنڈ اداکار راج کپور اور شمی کپور ششی کپور کے بڑے بھائی تھے، انہوں نے برطانوی اداکارہ جینیفر کینڈل سے 1958ء میں شادی کی جو ان کی 1984ء میں ان کی موت تک قائم رہی۔

ششی کپور نے سوگواروں میں تین بچے کنال کپور، کرن کپور اور سنجنا کپور کو چھوڑا ہے۔

انہیں نمایاں اداکاری اور فلمی صنعت کی ترقی میں کردار ادا کرنے پر 2011ء میں بھارتی سرکاری ایوارڈ پدما بھوشن سے نوازا گیا۔

انہوں نے ماضی کی جن مشہور ہیروئنوں کے مقابل فلموں میں اداکاری کے جوہر دکھائے راکھی، شرمیلا ٹیگور، زینت امان، ہما مالنی، پروین بوبی، موسمی چٹرجی وغیرہ نمایاں ہیں۔

ان کی نمایاں فلموں میں جانور اور انسان، کبھی کبھی، بسیرا، پگھلتا آسمان، دوسرا آدمی، پتنگا، آمنے سامنے، سہاگ، نمک حلال، ہیرا لال پنا لال وغیرہ شامل ہیں۔

فلم دیوار میں امیتابھ بچن سے ان کا مکالمہ بے حد مشہور اور زبانِ زدِ عام ہوا جس میں امیتابھ پوچھتے ہیں کہ تمہارے پاس کیا ہے جواب میں ششی کپور کہتے ہیں کہ میرے پاس ماں ہے۔