تازہ ترین
سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق         سپین۔گستاخانہ خاکوں کے خلاف احتجاجی مظاہرہ ، ہزاروں افراد کی شرکت         گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام        
l_434255_063939_updates

امریکی کامیابی کیلئے پاکستان کا افغانستان میں کردار اہم ہے، ایلس ویلز

امریکی قائم مقام معاون وزیرخارجہ ایلس ویلزنے کہا ہے کہ افغانستان میں امریکی اسٹریٹجی کی کامیابی کےلیےپاکستان کا کرداراہم رہا ہے۔

پاکستان کے دورے پر آئی ہوئی امریکی قائم مقام معاون وزیرخارجہ ایلس ویلز نے اسلام آباد میں سیکریٹری خارجہ تہمینہ جنجوعہ سے ملاقات کی۔

اس ملاقات کے حوالے سے دفتر خارجہ کے جاری کیے گئے اعلامیے میں کہا گیا ہے کہ امریکی قائم مقام معانون وزیر خارجہ نے مزید کہا کہ دونوں ممالک کوانسداد دہشت گردی کے لیے باہمی تعاون کو مزید فروغ دینا ہوگا۔

اس موقع پر سیکریٹری خارجہ تہمینہ جنجوعہ کا کہنا ہے کہ پاکستان اور امریکا کو باہمی اعتماد اور احترام کی فضا میں آگے بڑھنا ہے، امریکی وفد کو دہشت گردی کےخلاف حالیہ کارروائیوں پر بریفنگ دی گئی۔

انہوں نے مزید کہا کہ افغان مہاجرین کی جلد ازجلد واپسی پاک افغان تعلقات کی بہتری کے لیے ضروری ہے، افغانستان میں قیام امن کے لیے پاکستان تعاون جاری رکھے گا۔

سیکریٹری خارجہ نے یہ بھی کہا کہ بھارتی اشتعال انگیزی سے گزشتہ رات بھی چار اہلکار شہید ہوئے، امریکا بھارت کو اشتعال انگیزی روکنے کا مشورہ دے۔

اس ملاقات کے حوالے سے دفتر خارجہ نے اعلامیے میں یہ بھی کہا ہے کہ یہ دورہ دونوں ممالک کے درمیان باہمی اور علاقائی امور پر رابطوں کا حصہ ہے۔

دفترخارجہ کے مطابق کارروائیوں سے ملک میں امن و امان کی صورتحال میں بہتری آئی ہےاور خطے میں بھی امن و استحکام کو فروغ ملا،افغان سرزمین کے پاکستان کے خلاف استعمال پر اظہارتشویش ہے۔

ترجمان دفتر خارجہ کے مطابق امریکی معاون وزیر خارجہ نے خطےمیں قیام امن کے لیےپاکستان سے مل کر کام کرنے کی خواہش کا اظہار کیا۔

دونوں ممالک نے قیام امن کے لیے افغان قیادت میں کوششوں کی معاونت جاری رکھنے کے عزم کا اظہار کیا جبکہ سیکریٹری خارجہ نے بھارتی آرمی چیف کے غیر ذمہ دارانہ بیان کا معاملہ بھی اٹھایا۔