تازہ ترین
کھیلوں کے میدان آباد کرکے مقامی کمیونٹی کو مثبت اور صحت مندانہ پیغام دیا جا سکتا ہے         ایاز عباسی کو مسلم لیگ ن سپین کا متفقہ صدر منتخب کر لیا گیا         مسلم لیگ ن سپین کے صدر ایاز عباسی کی ایگزیکٹو باڈی کا اعلان کر دیا گیا         ایف آئی اے کی کارروائی، 4 انسانی اسمگلرز گرفتار         لیبیا میں حادثے کے شکار افراد کو بھجوانے والا گروہ گرفتار         ایران میں حجاب مخالف احتجاج،29خواتین گرفتار         لیبیا: کشتی ڈوبنے کا واقعہ 16 پاکستانی جاں بحق ہونے کی تصدیق         سپین۔بزم نظام انٹرنیشنل کے زیر اہتمام محفل نعت ، عاشقان رسول ﷺ کی کثیر تعداد میں شرکت         شہزاد اصغر بھٹی کا چوہدری زبیر ٹانڈہ کے اعزاز میں ظہرانہ ، تحریک انصاف سپین کے صدر اور عہدیداران کی شرکت         سپین۔’’روجر تورنت ماریو ‘‘کاتالونیا کے نئے اسپیکر منتخب         سینئر صحافی عادل عباسی کے اعزاز میں چوہدری کلیم الدین وڑائچ آف گورالی کا عشائیہ ، معززین کی شرکت         بیلجیئم میں دھماکا، متعدد افراد زخمی         پی آئی اےاپنی پروازوں کےدائرہ کارمیں کمی نہیں لارہی، ترجمان         تارکین وطن پرسان فرانسسکوجج کا فیصلہ اشتعال انگیز ہے،وائٹ ہائوس         سن2017 میں 1465 خواتین کوزیادتی کا نشانہ بنایا گیا        
l_443471_025731_updates

لیبیا: کشتی ڈوبنے کا واقعہ 16 پاکستانی جاں بحق ہونے کی تصدیق

غیر قانونی طور پر بیرون ملک جانے والوں کی کشتی کے لیبیا کے ساحل کے قریب ڈوبنے سے 16 پاکستانی جاں بحق ہو گئے ہیں۔ ان میں ایک ہی خاندان کے4افراد بھی شامل ہیں۔

ترجمان دفتر خارجہ کے مطابق 8 پاکستانیوں کی شناخت ان کی دستاویزات سے کی گئی ۔4افراد کوان کے دوستوں نے شناخت کیا لیکن ان کی دستاویزات نہیں مل سکیں۔ 4 مزید پاکستانیوں کی دستاویزات ملی ہیں لیکن ان کی لاشیں نہیں ملیں۔

ترجمان دفتر خارجہ کے مطابق جاں بحق ہونےوالوں میں ایک ہی خاندان کے 4 افراد بھی شامل ہیں جن کا تعلق گجرات سے ہے۔ ان میں محمد اسماعیل، اس کی بیوی عظمت بی بی، 5 سال کا بیٹا سعد علی اور بھائی رحمت خان شامل ہیں جبکہ جاں بحق ہونے والے لقمان علی ولد شوکت علی کا تعلق بھی گجرات سے ہے۔

گجرات کے کامران اقبال ولد محمد اقبال ،حمزہ فاروق ولد غلام فاروق، ذبیح اللہ ولد امتیاز احمد اور سعد علی ولد اسماعیل کی لاشیں ابھی نہیں ملیں۔

اس کے علاوہ منڈی بہاؤالدین کے اکرام الحق ولد عظمت اللہ، محمد قاسم بیگ ولد محمد اجمل، محمد فرحان اور محمد تنزیل بھی کشتی کے حادثے میں جاں بحق ہوئے ہیں۔

راولپنڈی کے مرزا غلام فرید ولد مرزا غلام نبی، سرگودھا کے محمد عزیز ولد عبدالرحمان بھی حادثے میں زندگی کی بازی ہار گئے۔ جاں بحق ہونے والے ولید اور شاہ کی شناخت ان کے بچ جانے والے دوستوں نے کی۔

ترجمان دفتر خارجہ کے مطابق پاکستانی سفارتخانہ اس حوالے سے دن رات کام کررہا ہے۔