تازہ ترین
سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق         سپین۔گستاخانہ خاکوں کے خلاف احتجاجی مظاہرہ ، ہزاروں افراد کی شرکت         گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام        
l_443779_044414_updates

کہاں ہے وہ تبدیلی جس کا عمران نے وعدہ کیاتھا؟مریم نواز

سابق وزیر اعظم نواز شریف کی صاحبزادی مریم نواز نے عمران خان کو تنقید کا نشانہ بناتے ہوئے کہا ہے کہ کہاں ہے وہ تبدیلی جس کا عمران خان نے وعدہ کیاتھا؟ کوئی ایک اسکول خیبرپختونخوامیں دکھایاجائے، خیبر پختونخوا کے بہن بھائی اپنےعلاج کیلئےپنجاب جاتےہیں۔

پشاور میں مسلم لیگ ن کے جلسے سے خطاب کرتے ہوئے مریم نواز نے کہا کہ سوات میں شہیدہونیوالےبہادربیٹوں کوسلام پیش کرتےہیں،آج عوامی عدالت نےنوازشریف کےحق میں فیصلہ دےدیاہے، آج پشاورنےبتادیاہے کہ صادق اور امین کون ہے، آج ہر طرف مسلم لیگ(ن) کا سیلاب آیا ہوا ہے۔

ان کا کہنا تھا کہ خیبرپختونخواکےعوام بہادرہیں تو ان کا لیڈربھی دلیرہوناچاہیے، کیا 5 سال سازشیں کرنیوالا خیبرپختونخوا کے عوام کا لیڈر ہوسکتاہے؟ کنٹینرپرچڑھ کربیٹھےرہنےوالالیڈرہوسکتاہے؟کیا الزام،بہتان لگانے والا آپ کا لیڈر ہوسکتا ہے؟

انہوں نے کہا کہ عمران خان پشاورکےووٹوں کےجواب میں کنٹینرلےآیااورساڑھے چارسال اس پر بیٹھارہا،کیا خیبرپختونخوا کے عوام کا اتنا حق نہیں تھاکہ ایک اچھااسپتال مل جاتا، کہاں ہے وہ بجلی جو عمران خان نےبناکردوسرےملکوں کوبرآمدکرنی تھی،خیبرپختونخواکےعوام ڈینگی میں پڑےتھےاورلیڈرپہاڑوں پرچڑھ کربیٹھاتھا۔

مریم نواز کا کہنا تھا کہ ساڑھے چار سال بعد عمران خان کی نیندکھلی توپتاچلانوازشریف 10ہزارمیگاواٹ بجلی بناگیا،نوازشریف نے موٹرویز کا جال بچھادیا، دہشتگردی کےاندھیرےختم کرگیا، نوازشریف پاکستان کوبناگیا،آج پورا پشاور کھدا پڑا ہے۔

انہوں نے کہا کہ پاکستان کی بیٹی عاصمہ، عاصمہ رانی، شریفاں بی بی کےقاتل کہاں ہیں؟عاصمہ بیٹی ، عاصمہ رانی اورشریفاں بی بی کےگھروالےعمران خان کی راہ دیکھتےرہے،عمران خان جہاں جاتےہوپنجاب پولیس کوگالیاں دیتےہو،ہم خیبرپختونخوا کی پولیس کو کچھ نہیں کہیں گے، وہ ہمارےبھائی اور بیٹے ہیں، خیبرپختونخواکی پولیس نااہل نہیں، نااہل عمران خان ہے۔

مریم نواز نے کہا کہ خیبرپختونخوامیں بھی 2018 میں شیر دھاڑے گا، پنجاب کی طرح ترقی خیبرپختونخوا میں بھی ہوگی۔

انہوں نے کارکنوں سےوعدہ لیا کہ اپنے ووٹ کی توہین کا بدلہ مسلم لیگ(ن) کو ووٹ دیکرلوگے،وعدہ کریں ووٹوں سےمنتخب ہونیوالےوزیراعظم کی عزت کرائیں گے۔