تازہ ترین
گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام         برطانیہ کی یورپی یونین سے علیحدگی کا بل کامنز میں منظور، ووٹ نے عوام کی طاقت ثابت کردی، وزیراعظم         ان گنت طبی فوائد لیے چھوٹا سا بیج ’’تخم بالنگا‘‘        
20992800_265162237305887_6024851283787132257_n

ایاز عباسی کو مسلم لیگ ن سپین کا متفقہ صدر منتخب کر لیا گیا

بارسلونا(پاک نیوز )پاکستان مسم لیگ ن سپین کے ایک اہم اجلاس میں تمام عہدیداران اور ممبران نے متفقہ طور پر ایاز عباسی کو مسلم لیگ ن سپین کا صدر منتخب کر لیا ۔تفصیلات کے مطابق مسلم لیگ ن سپین کے سابق صدر حاجی اسد کی مدت صدارت ختم ہونے پر نئے صدر کے انتخاب کے لئے ایک اہم اجلاس منعقد ہوا جس میں سرپرست اعلیٰ میاں محمد اظہر ، چیئر مین قمر علی مہر چوہدری ، سینئر نائب صدر میاں عمران ساجد ، جنرل سیکرٹری راجو الیگزینڈر ، ڈپٹی جنرل سیکرٹری شاہد حسین ملک ، مسلم لیگ ن کاتالونیا کے صدر راجہ ساجد محمود ، فنانس سیکرٹری چوہدری محمد رمضان ، نائب صدر راجہ فاروق اعظم ، چیف ایڈوائزر ایاز عباسی،مجلس عاملہ کے چیئر مین سکندر حیات مانگٹ ،نائب صدر رفیق احمد اور نائب صدر رفاقت علی نے شرکت کی ۔ اس موقع پر تمام شرکاء نے سیاسی جماعتوں میں جمہوری عمل کی تقویت پر زور دیتے ہوئے کہا کہ دیار غیر میں ہمیں غیر متنازع رہنا اور اپنے اختلافات کو پس پشت ڈال کر پاکستان کی سا لمیت کی بات کرنے کی اشد ضرورت ہے ، انہوں نے کہا کہ آج ہم نے متفقہ طور پر ایاز عباسی کو صدر منتخب کر کے سیاسی جماعتوں میں جمہوری عمل کو تقویت دی ہے اور امید ہے کہ یہ سلسلہ آئندہ بھی اسی طرح جاری رہے گا ۔نئے منتخب صدر ایاز عباسی نے روزنامہ جنگ سے بات کرتے ہوئے کہا کہ میں مسلم لیگ ن کو سپین بھر میں مستحکم اور فعال بنانے کے لئے محنت کروں گا اور تمام لیگیوں کو اپنے ساتھ لے کر چلوں گا ۔انہوں نے کہا کہ مسلم لیگ ن پاکستان کے استحکام کی جنگ لڑ رہی ہے ،2018 کے قومی انتخابات میں مسلم لیگ ن کی حکومت بنے گی، پاکستان کو ترقی کے راستے سے ہٹانے والے دیکھتے رہ جائیں گے کیونکہ مسلم لیگ ن کے پلیٹ فارم سے پاکستان بہت جلد دنیا کے ترقی یافتہ ممالک کی صف میں کھڑا ہونے جا رہا ہے ۔نئے منتخب صدر بہت جلد اپنی ایگزیکٹو باڈ ی کا اعلان کریں گے ۔ایاز عباسی کے صدر بننے پر سپین میں مقیم پاکستانی کمیونٹی نے انہیں مبارک بادوں کے پیغامات دیئے ہیں۔