تازہ ترین
سانپ نے آدمی کو کاٹا اور پھر آدمی نے اپنی بیوی کو کاٹ لیا، لیکن زندہ کون بچا؟ ناقابل یقین واقعہ         صدی کا سب سے بڑا مقدمہ، تاریخ کے سب سے بڑے منشیات سمگلر ایل چیپو کو سخت ترین سزا سنادی گئی         28 سالہ دلہن نے 70 سالہ دولہے کو لوٹ لیا         امیر ترین ہسپانوی سپر ماڈل کی مفلسی، سڑک پر آگئی         محمد اقبال چوہدری کے تایا جان کی روح کے ایصال ثواب کے لئے قران خوانی اور ختم شریف میں معززین کی شرکت         شفقت علی رضا اور رضوان کاظمی کی پالسن کے اونر چوہدری امانت علی وڑائچ اور محمد بلال علی سے ملاقات         سپین ۔کشمیری حریت پسند مقبول احمد بٹ شہید کی 35ویں برسی کی تقریب         بہاماس میں ہیٹی سے تارکین وطن کو لے جانے والی کشتی الٹنے سے 28 مسافر ڈوب گئے         بحیرہ روم میں ہلاک ہونے والے پاکستانیوں کی تعداد میں اضافہ         لیبیا کے قریب بحرہ احمر میں کشتی الٹنے سے 90 تارکین ڈوب کر ہلاک ہوگئے         67 سالہ دولہے اور 24 سالہ دلہن کی جان کو خطرہ         پاکستان اب ای پاسپورٹ اشو کرے گا تیاریاں مکمل         اوسپتالیت میں بین المذاہب ہم آہنگی سیمینار ، پاکستانیوں کی جانب سے طاہر رفیع کی شرکت         چوہدری شوکت آف قرطبہ ریسٹورنٹ کا حافظ عبدالرزاق صادق کے اعزاز میں عشائیہ ، معززین کی شرکت         دوران پروازجہاز کے انجن میں آگ لگ گئی ، مسافر محفوظ رہے        
pic-spain-press-conference

سوسائٹی فار کرائسٹ اور مسلم لیگ ن سپین کی سانحہ شاہدرہ پر مشترکہ پریس کانفرنس

بارسلونا(پاک نیوز ) سپین میں مقیم پاکستانی کرسچن کمیونٹی کی نمائندہ جماعت سوسائٹی فار کرائسٹ سمیت دوسری مسیحی تنظیمات اور مسلم لیگ ن سپین کے نمائندوں نے بارسلونا میں ہونے والی پریس کانفرنس میں شاہدرہ کے پطرس اور ساجد مسیح پر ہونے والے پولیس اور ایف آئی اے کے مظالم اور ایک سازش کے تحت شاہدرہ میں مقیم کرسچن کمیونٹی کے گھروں کے گھیراؤ پر شدید الفاط میں مذمت کی اور حکومت پاکستان سے مطالبہ کیا کہ پاکستان میں قانون کی موجودگی میں بغیر ثبوت کے کسی پر ایسا الزام لگانا کہ جس سے اس کی زندگی کو خطرہ ہو سراسر زیادتی ہے ۔ سوسائٹی فار کرائسٹ کے صدر راجو الیگزینڈر نے کہا کہ اگر پطرس یا ساجد مسیح نے کوئی جرم کیا ہے تو اس کی سزا موجود ہے لیکن اگر وہ بے گناہ ہیں تو ان محرکات کو پکڑا جائے جنہوں نے شاہدرہ میں ایسا متنازع ماحول پیدا کیا ہے ۔انہوں نے کہا کہ پیسوں کے لین دین کے معاملے کو مذہبی رنگ دینا زیادتی ہے ، پیٹر بہادر کا کہنا تھا کہ پطرس اور ساجد مسیح سے انسانیت سوز تفتیش کرنا نا انصافی کی انتہا ہے ، پادری بابر نے اپنے خیالات کا اظہار کرتے ہوئے کہا کہ دو بھائیوں کو ایک دوسرے کے ساتھ نازیبا حرکات کرنے پر مجبور کرنا کہاں کی تفتیش ہے ؟ اس موقع پر مسلم لیگ ن سپین کے صدر ایاز عباسی نے وزیر اعلیٰ پنجاب سے مخاطب ہوتے ہوئے اپیل کی کہ ایسے معاملات پر حکومت کو سخت ایکشن لینا چاہیئے ، اگر دونوں کرسچن ملزمان نے ناموس رسالت ﷺ کی بے حرمتی کی ہے تو قانون کے مطابق انہیں سزاملنی چاہیئے ، مسلم لیگ کاتالونیا کے صدر راجہ ساجد محمود ، سرپرست اعلیٰ حاجی اسد حسین ، جنرل سیکرٹری مسلم لیگ ن سپین ملک شاہد حسین اور بشیر مسیح نے اپنے مشترکہ بیان میں کہا کہ انبیاء کرام کی بے حرمتی کبھی بھی برداشت نہیں کی جا سکتی ، اگر ملزمان کے خلاف یہ جرم ثابت ہو جائے تو انہیں قانون کے مطابق سزا ملنی چاہیئے اور اگر کسی نے اپنے ذاتی مفاد کی خاطر پیسوں کے لین دین کو بے حرمتی کا رنگ دینے کی کوشش کی ہے تو وہ بھی سزا سے نہ بچے ، تمام شرکاء نے حکومت پنجاب سے مطالبہ کرتے ہوئے کہا کہ پاکستان میں اقلیتوں کو تحفظ حاصل ہے اس کی یہی وجہ ہے کہ وہاں ایک دوسرے کا خیال رکھا جاتا ہے لیکن اگر کوئی گستاخی رسولﷺ میں ملوث ہو یا کوئی شخص ذاتی انتقام لینے کے لئے کسی پر ایسا الزام لگائے تو دونوں دھڑوں کو قرار واقعی سزا دینی چاہیئے اور ایسے فعل کرنے والوں کو کیفر کردار تک پہنچانا چاہیئے لیکن قانون کو اپنے ہاتھ میں لینے والوں کا تدارک کرنا بھی حکومت کی ذمہ داری ہے ۔ احتجاجی ریفرنس کے اختتام پر مسلمان اور کرسچن کمیونٹی نے مشترکہ طور پر پاکستان کی سلامتی ، استحکام اور ترقی کے لئے خصوصی دعا کرتے ہوئے کہا کہ اللہ پاکستان کو دشمن کی نظر بد سے محفوظ رکھے ۔