تازہ ترین
زبیر گل کے خلاف ہونے والی سازش تمام تارکین وطن کے خلاف سازش ہے ،لیگی عہدیداران         مسلم لیگ ن سپین کے صدر ایاز عباسی اور سرپرست اعلی حاجی اسد حسین کی وزیر انفارمیشن ٹیکنالوجی انوشہ رحمان سے ملاقات         پاکستانی کمیونٹی کے مسائل کا حل اؤلین ترجیح ہو گی ، خیام اکبرسفیر پاکستان میڈرڈ         مسلم لیگ ن سپین آج شام سات بجے کایئے چلی میں جشن منائے گی ، مٹھائی تقسیم کی تقریب بھی ہو گی         کشمیریوں پر ایک ماہ میں 13 لاکھ پیلٹ گنز فائر کیےگئے،کشمیر پولیس         چار روزہ ورلڈ موبائل کانگریس بارسلوناکا اختتام ، انوشہ رحمان کی شرکت         سوسائٹی فار کرائسٹ اور مسلم لیگ ن سپین کی سانحہ شاہدرہ پر مشترکہ پریس کانفرنس         پاکستانی سیاست کے یورپی ممالک میں مقیم پاکستانیوں پر اثرات ، پاک نیوز سروے رپورٹ         MWC 2018: the biggest news from Mobile World Congress in Barcelona         پاکستان پیپلز پارٹی برطانیہ میں تقرریوں کا سلسلہ جاری         بھارتی لیجنڈری اداکارہ سری دیوی انتقال کرگئیں         کوئٹہ گلیڈی ایٹرز نے لاہور قلندرز کو 9 وکٹوں سے ہرا دیا         ویسٹ انڈیز کا دورئہ پاکستان خطرات سے دوچار         سائرہ پیٹر کی پی لیک فیسٹیول میں شاندار پرفارمنس         اردوان نے اپنے بدترین دشمن سے ہاتھ ملا لیا        
paknews-pic23

زبیر گل کے خلاف ہونے والی سازش تمام تارکین وطن کے خلاف سازش ہے ،لیگی عہدیداران

بارسلونا(پاک نیوز ) پاکستان مسلم لیگ ن سپین کے ایک اہم اجلاس میں لیگی عہدیداران نے رواں ماہ ہونے والے سینٹ انتخابات میں تارکین وطن پاکستانیوں کے نمائندہ اُمیدوار زبیر گل کو جان بوجھ کر شکست سے دوچار کرنے میں ملوث ایم پی ایز کی انکوائری کرانے کے متعلق میاں محمد نواز شریف اور میاں شہباز شریف سے مطالبہ کیا ہے کہ وہ اُ ن محرکات کا جائزہ لیں جن کے تحت زبیر گل کو مسلم لیگ ن کے ایم پی ایز نے ووٹ کاسٹ نہیں کئے ۔روزنامہ جنگ سے بات کرتے ہوئے چیئر مین مسلم لیگ ن میاں محمد اظہر نے کہا کہ کیسے ممکن ہے کہ ایک امیدوار کے پاس اتنے ایم پی ایز ہوں کہ جن کے ووٹوں سے وہ جیت جائے مگر پھر بھی نہ جیتے تو اس کا ذمہ دار کون ہوگا ؟ سرپرست اعلیٰ پی ایم ایل این سپین حاجی اسد حسین نے کہا کہ ملتان سے سینٹ کے امیدوار رانا محمود الحسن کو 21ایم پی ایز دیئے گئے تھے لیکن وہ 41 ووٹوں سے جیت گئے اُن کو باقی ووٹ کس نے ڈالے ؟ مجلس عاملہ مسلم لیگ ن سپین کے چیئر مین چوہدری سکندر حیات مانگٹ نے اپنے بیان میں کہا کہ زبیر گل کو ایم پی ایز کا جو گروپ دیا گیا تھا ان کی تعداد 48تھی جبکہ زبیر گل کو ووٹ 38کاسٹ ہوئے باقی دس ووٹ کس نے کس امیدوار کو کاسٹ کئے اس معاملے کا پتا لگایا جانا پارٹی معاملات کے لئے بہت ضروری ہے ۔سینئر نائب صدر میاں عمران ساجد نے کہا کہ ہم مسلم لیگ ن کے قائدین سے اپیل کرتے ہیں کہ وہ تارکین وطن کے نمائندہ اور امیدوار سینٹ زبیر گل کے خلاف ہونے والی سازش کو بے نقاب کریں ۔مسلم لیگ ن یوتھ ونگ سپین کے صدر چوہدری افضال وڑائچ نے کہا کہ زبیر گل کو شکست سے دوچار کرانے سے کچھ ایم پی ایز کو دل کی تسلی ملی ہو گی لیکن اس سے سیاسی پارٹیوں میں جو جگ ہنسائی ہوئی ہے اُس کا ذمہ دار کون ہے ؟مسلم لیگ ن سپین کے چیف آرگنائزر چوہدری محمد ادریس نے بھی اپنے بیان میں قائدین مسلم لیگ سے مطالبہ کیا کہ تارکین وطن کے حقوق کی ترجمانی کرنے کے لئے زبیر گل ایک معتبر نام ہے اسے سینٹ کی سیٹ پر امیدوار نامزد کرکے ہمارے سیاسی قائدین نے دِل خوش کر دیئے تھے لیکن ان کو جیت کے لئے موجود ووٹرز نے ووٹ کاسٹ نہ کرکے زیادتی کی ہے، زبیر گل نے برطانیہ کی شہریت تک چھوڑ دی تھی تاکہ وہ سینٹ میں بیٹھ کر تارکین وطن کے مسائل کو حل کرانے کی بات چیت اور قانون سازی میں شامل ہو سکیں لیکن شائد تارکین وطن کے مسائل کو حل کرنے کا خواب ابھی شرمندہ تعبیر ہوتا نظر نہیں آتا ۔انہوں نے کہا کہ پی ٹی آئی کے پاس 31ووٹ تھے ان کے امیدوار چوہدری سرور کو 44ووٹ کیونکر مل گئے ان تمام معاملات پر غور کرنے کی اشد ضرورت ہے پتا چلنا چاہیئے کہ ایسا سب کچھ کیوں ہوا ، تمام عہدیداران نے کہا کہ ہم اپنے قائدین پر مکمل اعتماد کا اظہار کرتے ہیں لیکن جن ایم پی ایز نے قائدین کے وقار کا پاس نہیں رکھا ان کے خلاف کاروائی ہونی چاہیئے کیونکہ زبیر گل کے خلاف ہونے والی سازش کو دنیا بھر میں مقیم تارکین وطن پاکستانیوں کے خلاف سازش تسور کیا جا رہا ہے ۔