تازہ ترین
یوم پاکستان مشاعرہ ، ایک شام فاخرہ انجم کے نام         پاک، اسپین اکنامک ڈپلومیسی، شفقت علی رضا         یوم پاکستان پروگرام کی کامیابی قونصل جنرل کی ان تھک محنت کا نتیجہ ہے ،امتیاز آکیہ         طاہر رفیع اور اجمل رشید بٹ ہسپانوی الیکشن میں امیدوار ہوں گے         Pakistan vs Australia 3rd ODI Live | 27 March 2019         Pakistan vs Australia 2nd ODI Live | 24 March 2019 | Ptv Sports Live         Thousands of Catalan separatists march in Madrid         یوم پاکستان اور ڈاکٹر محمد اسد کے عنوان سے اسپین کے تاریخی شہر غرناطہ میں پہلے پروگرام کا انعقاد         میکسیکو:حادثے میں 25 تارکین وطن ہلاک         برطانیہ میں امیگریشن اب پبلک کیلئے تشویش کابڑا موضوع نہیں رہا، سٹڈی میں انکشاف         17 سالہ جوڈی کے قتل کے شبہ میں دوسرا شخص گرفتار         ٹیپو سلطان کون تھا؟ مورخین اور ماہرین کی رائے         میکسیکو نائٹ کلب پر فائرنگ ،15 ہلاک         دُبئی: پاکستانی ڈرائیور نے چوری کرنے پر بھارتی ملازم کو پکڑوا دیا         موٹرولا کے Razr فولڈ ایبل فون کے فیچرز سامنے آ گئے        
timthumb

گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا

بارسلونا(پاک نیوز )خوبصورت مقام منجوئیک پر منعقد ہونے والے بارسلونا کے تاریخی و ثقافتی تہوار گریک فیسٹول میں پاکستانی ثقافت کے رنگ بھی نظر آئے اچھوتے انداز میں۔ تفصیلات کے مطابق اس انٹرنیشنل میلے میں مختلف ممالک کے نمائندوں نے شرکت کی پاکستان کی نمائندگی کرتے ہوئے معروف شعراء جن میں ڈاکٹر ارم بتول، ڈاکٹر عرفان مجید، فیاض ملک، سید شیراز اور ڈاکٹر سندس شامل تھے نے اپنا کلام پیش کیا۔اس کے بعد صوفی گائیک قدیر احمد خان نے بابا بلھے شاہ کا کلام پیش کر کے ایک سماں باندھ دیاجس پر مقامی ہسپانوی باشندے جھومتے رہے۔ایشیاء کی معروف گلوکارہ ’’ بشالی سرکار ‘‘ نے پاکستانی غزل گائیک فریدہ خانم اور انڈین گائیک جگجیت سنگھ کی گائی ہوئی غزلوں کو پروگرام میں پیش کیااور خوب داد سمیٹی۔پاکستانیوں کی نمائندگی کو میلے میں یقینی بنانے کے لئے حافظ احمد پیش پیش تھے ۔اس میلے کی سب سے بڑی اور خاص بات پروگرام کے آخر میں ہسپانوی رقاصاؤں نے صوفی گائیکی پر خوبصورت کتھک فیوژن پیش کیا جو وہاں موجود حاضرین کے لئے نئی بات تھی جسے دیکھ کر تمام حاضرین نے ان ہسپانوی رقصاؤں کو داد دی اور اور اپنی پسندیدگی کا اظہار کیا ۔اس پروگرام کی نظامت اور میزبانی کے فرائض ڈاکٹر سندس نے ادا کئے، یہ پروگرام بلدیہ بارسلونا کے زیر اہتمام اردو اکیڈمی بارسلونا اور کاساایشیاء ایسوسی ایشن کے تعاون سے ترتیب دیا گیاتھا۔ اس ثقافتی تہوار کی چالیس سالہ تاریخ میں یہ پہلا موقع ہے کہ اردو زبان و ادب اور پاکستانی ثقافت کو بھی جگہ دی گئی ہے جو کہ خوش آئند اقدام ہے ۔ پاکستان کی طرف سے نمائندگی کرتے ہوئے قونصلیٹ آف پاکستان بارسلونا میں تعینات ویلفیئر قونصلر عمر عباس میلہ نے بھی شرکت کی اور پاک نیوز سے بات کرتے ہوئے کہا کہ ایسے پروگرامز میں پاکستان کی شرکت بہت خوش آئند ہے کیونکہ اس طرح دو اقوام کو ایک دوسرے کا کلچر ، رہن سہن اور تہذیب و تمدن سمجھنے کا موقع ملتا ہے ، انہوں نے کہا کہ ہم سپین میں رہتے ہوئے ایسے پروگرامز میں اپنی شرکت کو یقینی بنائیں تاکہ ہم آہنگی کو فروغ ملے اور دو ممالک کے درمیان ثقافتی اور اقتصادی تعلقات مضبوط ہوں ۔