تازہ ترین
سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق         سپین۔گستاخانہ خاکوں کے خلاف احتجاجی مظاہرہ ، ہزاروں افراد کی شرکت         گریگ فیسٹیول ’’ منجوئیک ‘‘ میں پاکستانی ثقافت کے رنگ ، پاکسانی شعرا نے اپنا کلام سنایا         سپین۔مسلم لیگ کا اجلاس احتجاجی ضرور تھا لیکن کسی کے خلاف نہیں ، عہدیداران         سپین۔مسیحیوں کو اپنا نمائندہ خودمنتخب کرنے کا حق دیا جائے ، راجو الیگزینڈر         میاں نواز شریف کے استقبال کے لئے سپین سے بھی قافلے پاکستان پہنچیں گے ، مسلم لیگ ن سپین         سپین۔ تصویری نمائش میں بے نظیر بھٹو شہید کی تصویر توجہ کا مرکز         سپین۔الیکٹرانک میڈیا نمائندگان کے پلیٹ فارم کے لئے ایگزیکٹو کمیٹی قائم         سپین۔سفیر پاکستان اور قونصل جنرل بارسلونا کی کمیونٹی سے ملاقات         سپین۔بارسلونا کرکٹ کلب کی یونیفارم کی رونمائی اور تقریب تقسیم انعامات ظہیر عباس کی شرکت         سپین۔کشمیر کی آواز سنو سیمینارمیں بیرسٹر سلطان محمود کی شرکت         جنرل سیکرٹری مسلم لیگ ن سپین راجو الیگزینڈر کی جانب سے بیگم کلثوم نواز کی صحت یابی کے لئے دعائیہ تقریب کا اہتمام         چین نے پاکستانیوں کیلئے ویزہ اجراء کو نہایت آسان کر دیا         انڈونیشیا میں کشتی ڈوبنے سے193افراد تاحال لاپتہ         موت سے بچ جانے والے مزید 522 تارکین وطن اٹلی پہنچ گئے، حکومت روکنے میں ناکام        
40646989_284147738859353_782658047670484992_n

سپین۔تارکین وطن پاکستانی مقامی سیاسی پارٹیوں کا حصہ بنیں ، حافظ عبدالرزاق صادق

بارسلونا(پاک نیوز ) سپین میں مقیم صوبائی پارلیمنٹ کے سابق اُمیدوار اور سوشلسٹ پارٹی کی نیشنل کونسل کے نائب صدر حافظ عبدالرزاق صادق نے پاک نیوز سے بات کرتے ہوئے کہا ہے کہ دیار غیر میں مقیم پاکستانیوں کو چاہیئے کہ وہ مقامی سیاسی پارٹیوں کا حصہ بنیں ، انہوں نے کہا کہ دوسرے ممالک میں رہ کر آپ اپنی طرف داری پاکستانی سیاسی پارٹیوں کے ساتھ بھی رکھیں لیکن مقامی سیاست میں حصہ لینا ان ممالک میں آپ اور آپ کے بچوں کے بہتر مستقبل کا ضامن ہے ۔حافظ عبدالرزاق صادق کا کہنا تھا کہ جس ملک میں رہیں وہاں کی لینگوئج ضرور سیکھیں ، کیونکہ آپ لینگوئج میں دسترس حاصل کر لیں گے تو اپنا مُدعا بہتر انداز میں مقامی اداروں تک پہنچا سکیں گے ، اپنے حقوق کی آواز کو مقامی پارلیمنٹ میں بلند کر سکین گے اور اپنا کاروبار بڑھانے میں بھی مقامی زبان آپ کا بہت ساتھ دے سکتی ہے ، انہوں نے کہا کہ اب ہمیں ان ممالک میں رہنا ہے اور یہاں ہمارے بچوں نے تعلیم یافتہ ہو کر مقامی اداروں کا حصہ بننا ہے لہذا ہمیں پاکستان کی ترقی میں اہنا کردار ادا کرنے کے لئے مقامی کمیونٹی سے راہ و رسم بڑھانے کی اشد ضرورت ہے تاکہ مسلمانوں کے خلاف بے بنیاد پراپیگنڈا کو ختم کیا جائے اور مقامی تاجر پاکستان میں جا کر سرمایہ کاری کریں ، یہ سب کچھ تبھی ممکن ہو گا جب ہم مقامی کمیونٹی کے نزدیک ہوں گے اُن سے تعلقات بڑھائیں گے اور انہیں اپنے مثبت کردار اور اخلاق سے اپنا گرویدہ کر لیں گے ، کیونکہ ہماری ترقی ہمارے وطن اور جس ملک میں ہم رہ رہے ہیں وہاں کی ترقی ثابت ہوگی ۔