تازہ ترین
طاہر رفیع اور اجمل رشید بٹ ہسپانوی الیکشن میں امیدوار ہوں گے         Pakistan vs Australia 2nd ODI Live | 24 March 2019         Pakistan vs Australia 2nd ODI Live | 24 March 2019 | Ptv Sports Live         Thousands of Catalan separatists march in Madrid         یوم پاکستان اور ڈاکٹر محمد اسد کے عنوان سے اسپین کے تاریخی شہر غرناطہ میں پہلے پروگرام کا انعقاد         میکسیکو:حادثے میں 25 تارکین وطن ہلاک         برطانیہ میں امیگریشن اب پبلک کیلئے تشویش کابڑا موضوع نہیں رہا، سٹڈی میں انکشاف         17 سالہ جوڈی کے قتل کے شبہ میں دوسرا شخص گرفتار         ٹیپو سلطان کون تھا؟ مورخین اور ماہرین کی رائے         میکسیکو نائٹ کلب پر فائرنگ ،15 ہلاک         دُبئی: پاکستانی ڈرائیور نے چوری کرنے پر بھارتی ملازم کو پکڑوا دیا         موٹرولا کے Razr فولڈ ایبل فون کے فیچرز سامنے آ گئے         شین واٹسن پاکستان آنے پر راضی ہو گئے         شارجہ میں گولڈ خریدنے سے پہلے یہ ویڈیو ضرور دیکھیں         دُنیا کا نیا عجوبہ        
49742706_1704712586339776_365003904410189824_n

سماجی راہنما راجہ شعیب ستی کے اعزاز میں عشائیہ،معززین کی شرکت

بارسلونا(پاک نیوز) پاک فیڈریشن سپین کے سابق صدر اور مسلم لیگ قاف کے راہنما و سماجی کارکن راجہ شعیب ستی کے اعزاز میں عشائیہ کا اہتمام کیا گیا جس میں چوہدری مظہر وڑائچانوالہ، چوہدری نوید وڑائچ اور پاکستان آرمی کے سابق کمانڈو و باکسر چوہدری ظفر پہلوان نے شرکت کی.. راجہ شعیب ستی بارسلونا میں پاکستانی کمیونٹی کی خدمات سر انجام دینے والوں میں نمایاں ہیں لیکن آج کل وہ لندن میں مقیم ہیں، اسی طرح عشائیہ میں شامل چوہدری نوید وڑائچ پاکستانیوں کی خدمت میں پیش پیش ہیں، وفات پانے والے پاکستانیوں کو غسل دینا، ان کی تدفین کے بارے میں حکومتی اداروں سے رابطہ رکھنا اور میت کو پاکستان تک پہنچانے کے تمام انتظامات کرنا ان کے سپرد ہیں، عشائیہ میں شامل چوہدری مظہر وڑائچانوالہ کی سماجی خدمات بھی کسی سے ڈھکی چھپی نہیں ہیں، وہ پاکستان کے ثقافتی اور روائتی کھیلوں کو یورپ بھر میں فروغ دینے والوں میں اپنا ایک خاص مقام رکھتے ہیں، جب بھی کبھی سپین میں مقیم پاکستانیوں کو کوئی مسئلہ درپیش ہوا تو اس مسئلے کے حل کو یقینی بنانے کے لئے چوہدری مظہر اگلی صفوں میں کھڑے نظر آتے ہیں، عشائیہ میں شامل چوہدری ظفر پہلوان یاروں کے یار مشہور ہیں، کسی قسم کی تکلیف یا حالات کی ستم ظریفی میں مبتلا پاکستانیوں کی مدد کرنا ان کے لئے آواز بلند کرنا یہ ظفر پہلوان کا شیوہ اور ان کی پہچان ھے، ظفر پہلوان جس محفل میں ہوں وہاں کی جان ہوتے ہیں، عشائیہ میں موجود ان شخصیات کی شمولیت نے محفل کو چار چاند تو لگائے ھی تھے اس کے علاوہ سونے پر سہاگہ یہ ھوا کہ سب نے اس بات پر اتفاق کیا کہ پاکستانی کمیونٹی کی تقسیم اب نہیں ہونے دیں گے اور جو کچھ عناصر ایسا کرنے کی کوشش کریں گے تمام کمیونٹی کو ساتھ لے کر ان عناصر کا قلع قمع کیا جائے گا، شرکاء کا کہنا تھا کہ ہمیں مل جل کر رہنا چاہئیے، ایک دوسرے کے دکھ درد میں شریک ہونا چاہییے، اور جہاں تک ممکن ہو ایک دوسرے کی مدد کرنی اپنا نصب العین بنانا چاہیئے، عشائیہ کے اختتام پر شرکاء نے پاکستان کی سیاسی صورتحال پر تبادلہ خیال کیا اور دعا کی کہ اللہ تعالی ہمارے وطن کو سر سبز وشاداب رکھے اور ہماری دھرتی کو شر پسند عناصر سے پاک کر دے تاکہ ہمارا سوہنا پاکستان ترقی یافتہ ممالک کی فہرست میں سب سے آگے کھڑا ہو.. عشائیہ کا اہتمام کرنے پر شرکاء نے اپنے میزبانوں کا شکریہ ادا کیا اور اس خوبصورت محفل کو الوداع کہتے ہوئے اپنے اپنے گھروں کو روانہ ہوگئے.