تازہ ترین
طاہر رفیع اور اجمل رشید بٹ ہسپانوی الیکشن میں امیدوار ہوں گے         Pakistan vs Australia 2nd ODI Live | 24 March 2019         Pakistan vs Australia 2nd ODI Live | 24 March 2019 | Ptv Sports Live         Thousands of Catalan separatists march in Madrid         یوم پاکستان اور ڈاکٹر محمد اسد کے عنوان سے اسپین کے تاریخی شہر غرناطہ میں پہلے پروگرام کا انعقاد         میکسیکو:حادثے میں 25 تارکین وطن ہلاک         برطانیہ میں امیگریشن اب پبلک کیلئے تشویش کابڑا موضوع نہیں رہا، سٹڈی میں انکشاف         17 سالہ جوڈی کے قتل کے شبہ میں دوسرا شخص گرفتار         ٹیپو سلطان کون تھا؟ مورخین اور ماہرین کی رائے         میکسیکو نائٹ کلب پر فائرنگ ،15 ہلاک         دُبئی: پاکستانی ڈرائیور نے چوری کرنے پر بھارتی ملازم کو پکڑوا دیا         موٹرولا کے Razr فولڈ ایبل فون کے فیچرز سامنے آ گئے         شین واٹسن پاکستان آنے پر راضی ہو گئے         شارجہ میں گولڈ خریدنے سے پہلے یہ ویڈیو ضرور دیکھیں         دُنیا کا نیا عجوبہ        
kake-foto-christmes

قونصلیٹ آفس بارسلونا میں کرسمس اور قائد ڈے کے کیک کاٹنے کی تقریب

بارسلونا( پاک نیوز ) قونصلیٹ جنرل آف پاکستان بارسلونا آفس میں پہلی بار کرسمس اور قائد ڈے کے عنوان سے ’’ سوسائٹی فار کرائسٹ ‘‘ کے زیر اہتمام ایک شاندار تقریب کا اہتمام کیا گیا جس میں مسیحی اور مسلم کمیونٹی کی کثیر تعداد نے شرکت کی ۔تفصیلات کے مطابق قونصل جنرل بارسلونا علی عمران چوہدری کی زیر صدارت سوسائٹی فار کرائسٹ سپین کے صدر راجو الیگزینڈر اور دوسرے ممبران نے کرسمس اور قائد اعظم محمد علی جناح ؒ کے یوم ولادت کی مناسبت سے کیک کاٹنے کی تقریب کا اہتمام کیا ، قونصلیٹ آفس میں ایسی کسی بھی تقریب کا اہتمام پہلی بار کیا گیا تھا ۔ تقریب کا آغاز تلاوت کلام اوربائبل کی دعائیہ آیات سے ہوا ۔تلاوت قرآن پاک کی سعادت الحاج قاری چوہدری عبدالرحمان نے جبکہ میڈرڈ سے آئے ہوئے پادری افتخار نے بائبل سے دعائیہ کلمات پڑھے ۔تقریب کے اسٹیج سیکرٹری کے فرائض امیدوار کاتالان پارلیمنٹ حافظ عبدالرزاق صادق نے ادا کئے جبکہ خطاب کرنے والوں میں پاکستانی نژاد محمد اقبال چوہدری اُمیدوار قومی اسمبلی سپین ، سابق ممبر پارلیمنٹ محمد شعیب ، صوبہ کاتالونیا کی ڈپٹی گورنر ’’ مونسرات گارسیا ، سابق ممبر صوبائی اسمبلی پنجاب و پارلیمانی سیکرٹری عامر جوئیل بوبی سہوترہ ، صدر سوسائٹی فار کرائسٹ راجو الیگزینڈر ، ہسپانوی بشپ جوردی ، سید شیراز اور جاوید مغل سمیت دوسرے معززین شامل تھے ۔ مقررین نے اپنے خطاب میں بین المذاہب ہم آہنگی کے فروغ پر زور دیتے ہوئے کہا دور حاضر کی ضرورت ہے کہ ہم ایک دوسرے کے مذاہب کا احترام کریں اور دوسروں کو سہولیات دیں ۔انہوں نے کہا کہ تمام مذاہب انسانیت کی قدر اور بھائی چارے کے فروغ کی تعلیم دیتے ہیں ، اس موقع پر مقررین نے مسیحی بھائیوں کو کرسمس کی مبارک باد دی اور قائد اعظم زندہ باد کے نعرے لگوائے ، قونصل جنرل بارسلونا علی عمران چوہدری نے اپنے خطاب میں کہا کہ ہر سال قونصلیٹ آفس میں کرسمس اور قائد اعظم محمد علی جناحؒ کا یوم ولادت جوش و خروش اور تزک و احترام سے منایا کریں گے ۔تقریب کے اختتام پر بزنس کمیونٹی کے نمائندہ چوہدری امانت حسین مہر ، مسلم لیگ قاف سپین کے صدرعبدالغفار مرہانہ ، چوہدری امتیاز لوراں چیئر مین مسلم لیگ قاف سپین ، مسلم لیگ ن سپین کے صدرحاجی اسد حسین ، چوہدری محمد ادریس ، پاکستان تحریک انصاف سپین کے صدر محمد شہباز ملک ، ڈپٹی گورنر صوبہ کاتالونیا مونسرات گارسیا ، قونصل جنرل بارسلونا ، راجو الیگزینڈر ، جاوید اقبال گل ، عامر جوئیل بوبی سہوترہ ، پیٹر بہادر ، رضوان کاظمی ، حافظ عبدالرزاق صادق سمیت سوسائٹی فار کرائسٹ کے ممبران اور دوسرے معززین نے مل کر کرسمس اور قائد ڈے کے کیک کاٹے اور پاکستان کے استحکام اور مذاہب میں محبت اور بھائی چارے کی فضاء قائم ہونے کی دعا مانگی ۔