تازہ ترین
پاکستانی سٹیج اداکاروں کی پردے کے پیچھے کی کہانی دیکھیں اس ویڈیو میں         لگرونیو والی بال ٹورنامنٹ میں چوہدری عزیز امرہ اور سبط امرہ مہمان خصوصی تھے وہاں کی یادگار تصاویر         سپین ۔ جشن آزادی شوٹنگ والی بال چیلنج کپ گجر کلب نے جیت لیا         بارسلونا میں انڈیا کے آزادی کے دن کو یوم سیاہ کے طور پر منایا گیا ، البیلا ٹی وی کی رپورٹ         پاکستان مسلم لیگ ن سپین کے صدر چوہدری محمد افضال سے میڈیا کی ملاقات         سپین۔ تیسرا ایشیاءٹی ٹوئنٹی کرکٹ کپ پاکستان نے جیت لیا         چوہدری موسی الہی کو خوش آمدید کہتے ہوئے چوہدری عبدالغفار مرہانہ کے اشتہار کا عکس         چوہدری موسی الہی کو بارسلونا آمد پر خوش آمدید کہتے ہیں ، چوہدری عبدالغفار مرہانہ         ملک عمران اور مرزا بشارت مہمان خصوصی چوہدری عزیز امرہ کا استقبال کرتے ہوئے         ملک عمران کرکٹ کی خدمت کے ساتھ ساتھ شعبہ نقابت میں بھی کمال کرتے ہیں         سپین۔تیسرے ایشیاءٹی 20 کرکٹ کپ ٹرافی کی تقریب رونمائی، مہمان خصوصی چوہدری عزیز امرہ تھے         سپین ۔ تیسرے ایشیاءٹی 20 کرکٹ کپ ٹرافی کی تقریب رونمائی         چوہدری تنویر کوٹلہ کے اعزاز میں عشائیہ ، راجہ شعیب ستی ، نوید وڑائچ، راجہ سونی و دیگر کی شرکت         سنجرانی کے خلاف عدم اعتماد تحریک کی ناکامی اپوزیشن جماعتوں کی ناکامی ہے ، چوہدری نوید وڑائچ         برازیل کی جیل میں 2 گروپوں میں تصادم، 52 قیدی ہلاک        

سپین ۔ میاں نواز شریف کے خلاف بے بنیاد مقدمات بنائے گئے ہیں ، راجہ حاجی اسد حسین و دیگر

بارسلونا (پاک نیوز ) میاں محمد نواز شریف جلد سرخرو ہوں گے ، اُن پر بنائے گئے مقدمات میں کوئی صداقت ہے اور نہ ہی کوئی ثبوت ، سپریم کورٹ کا میاں نواز شریف کے خلاف سزا بحال رکھنے کے لئے نیب کی اپیل خارج کرنے کا حالیہ فیصلہ خوش آئند ہے ،علیمہ خان کی جائیدادوں کے ثبوت موجود ہیں لیکن اُن کے خلاف نہ تو کوئی جے آئی ٹی بنائی گئی اور نہ ہی کسی نے اُن کے خلاف ایکشن لیا ، یہ کہاں کا انصاف ہے ؟ ان خیالات کا اظہارپاک نیوز سے بات کرتے ہوئے مسلم لیگ ن سپین کے سرپرست اعلیٰ حاجی راجہ اسد حسین، چیئر مین میاں محمد اظہر اور نائب صدر چوہدری محمد ادریس نے اپنے مشترکہ بیان میں کیا ، انہوں نے کہا کہ پاکستانی عوام موجودہ دور حکومت کی وجہ سے تاریخ کے بد ترین دور سے گزر رہی ہے ، موجودہ حکومت کوئی ایسا کام سر انجام نہیں دے سکی کہ جس کی وجہ سے عوام کو نہ تو کوئی ریلیف ملا ہے اور نہ ہی ملنے کی اُمید ہے ۔مسلم لیگی عہدیداران کا کہنا تھا کہ وزیر اعظم پاکستان کی بہن کی دوبئی اور امریکا میں چھپائی گئی جائیدادوں کے ثبوت موجود ہیں لیکن اُن کے خلاف کوئی ادارہ کاروائی کیوں نہیں کر رہا ؟ کیا یہ یکساں اور فوری انصاف ہے جس کا تحریک انصاف نے عوام سے وعدہ کیا تھا ، انہوں نے کہا کہ پاکستان کو ایٹمی طاقت بنانے والا اور ملک میں ترقیاتی کاموں کا جال بچھانے والا تین دفعہ کا منتخب وزیر اعظم میاں محمد نواز شریف بغیر ثبوت کے مقدمات میں جیل کی سزا کاٹ رہا ہے جبکہ علیمہ خان آزاد ہیں ، انہوں نے کہا کہ یہ امتیازی سلوک ظاہر کرتا ہے کہ پاکستان میں سزا صرف میاں برادران کو دی جائے گی ۔انہوں نے کہا کہ نیب کی جانب سے سپریم کورٹ میں میاں نواز شریف ، کیپٹن صفدر اور مریم نواز کے خلاف سزا بحال کرنے کی درخواست پر سپریم کورٹ کے اعلیٰ ججوں کا یہ فیصلہ کہ ہائی کورٹ کے فیصلے کو بحال رکھا جائے اور نیب کی اپیل خارج کرنا خوش آئند ہے اس سے سپریم کورٹ کے وقار کو مزید جلا ملی ہے اور انصاف کا یہ سفر اب جلد مکمل ہونے والا ہے ۔انہوں نے کہا کہ تارکین وطن پاکستانی میاں برادران کے ساتھ ہیں اور دیار غیر سے بہت جلدایک تحریک شروع کی جائے گی جس کا مقصد میاں برادران کے خلاف ہونے والی انتقامی کاروائیوں کے خلاف سخت احتجاج کرنا ہے اس کے لئے مسلم لیگ ن سپین بہت جلد اہم میٹنگ کرنے جا رہی ہے جس میں یورپ بھر سے مسلم لیگی راہنماوں ، عہدیداروں اور کارکنان سے مشورے کئے جائیں گے ۔