تازہ ترین
حاجی اسد حسین کی برطانیہ میں سہیل وڑائچ ، طاہر چوہدری اور حمزہ باسط بٹ سے ملاقات         کاتالونیا میں آزادی کی تحریک پھر زور پکڑ گئی ہے         کشمیر اور خالصتان کی آزادی کے لئے ریفرنڈم ٹونٹی ٹونٹی کا اعلان، شفقت علی رضا         علامہ اقبال ؒ کے یوم پیدائش پراوسپتالیت کے اُردو سکول میں شاندار تقریب         بارسلونا: آل پارٹیز کشمیر کانفرنس، کشمیری و پاکستانی کمیونٹی کی شرکت         پاکستانی کمیونٹی کو ترقی کی منازل طے کرنے کے لئے راجہ ضیا صدیق کا خوبصورت مشورہ         وزیر اعظم پاکستان عمران خان کی دبنگ تقریر پر چوہدری ایاز مٹھانہ چک کے تاثرات         چوہدری افضال وڑائچ کے والد کی وفات پر پاکستانی کمیونٹی کا اظہار افسوس اور دعائے مغفرت         سابق وزیر خزانہ رانا محمد افضل کی وفات پر مسلم لیگ ن سپین کا اظہار افسوس         انٹرنیشنل امن کانفرنس سپین ،مولانا عبدالخبیر آزاد کی شرکت         سپین میں امراض جگر کے اسپیشلسٹ پہلے پاکستانی ڈاکٹر عرفان مجید راجہ سے بات چیت، پاک نیوز رپورٹ         کاتالان کرکٹ لیگ فائنل کے مہمان خصوصی چوہدری عزیز امرہ ونر ٹرافی دیتے ہوئے         کاتالان کرکٹ لیگ کی چیمپیئن پاک آئی کیئر نے اپنی جیت کشمیری بھائیوں کے نام کر دی         قونصلیٹ آفس بارسلونا میں کشمیر کے حق میں احتجاج مختلف شعبہ ہائے زندگی کے معززین کی شرکت         آل پاکستان فیملی ایسوسی ایشنز، اظہار ایسوسی ایشن، ایسوسی ایشن پیس فار پیس کے زیر اہتمام ہر سال کی طرح اس سال بھی ہسپیتالت میں پاکستانی بچوں میں تعلیم کو فروغ دینے کے سلسلے میں پروگرام Back to school کا انعقاد کیا        

سپین ۔کشمیری حریت پسند مقبول احمد بٹ شہید کی 35ویں برسی کی تقریب

بارسلونا(پاک نیوز رپورت )جموں کشمیر لبریشن فرنٹ سپین کے زیر اہتمام کشمیری حریت پسند مقبول احمد بٹ شہید کی 35ویں برسی کی تقریب منعقد ہوئی جس میں کشمیری اور پاکستانی کمیونٹی نے بھر پور شرکت کی ۔ ہال میں مقبول بٹ شہید اور افضل گرو سمیت دوسرے کشمیری شہداء کی تصاویر کے ساتھ ساتھ مقبوضہ کشمیر مین ہونے والے مظالم اور انڈین آرمی کے ہاتھوں نہتے کشمیریوں کو زخمی کرنے اور اُن کی میتیں اُٹھاتے والدین کی تصاویر بھی آویزاں کی گئی تھیں ۔ تلاوت کلام پاک سے شروع ہونے والی برسی کی تقریب کی صدارت کشمیری راہنما سردار ماجدنے جبکہ اسٹیج سیکرٹری کے فرائض جاوید ملک  نے احسن انداز سے انجام دیئے ۔ تقریب سے خطاب کرتے ہوئے چوہدری تنویر ، جاوید ملک  ، سردار ارشد ، ثاقب طاہر ، راجہ سونی ، نامدار اقبال خان ، سردار ماجد ، سر دار نجیب الرحمان، محمد افضل ، عابد علی اور دوسرے مقررین نے مقبول بٹ شہید اور دوسرے کشمیری شہداء کی طرف سے جان کا نذرانہ پیش کئے جانے کو زبردست الفاظ میں خراج تحسین پیش کرتے ہوئے کہا کہ شہیدوں کا لہو کبھی رائیگاں نہیں جاتا اسی لئے کشمیر میں آزادی کا سورج جلد طلوع ہوگا ، مقررین نے کہا کہ انڈیا اپنی آرمی کے ساتھ ظلم و تشدد کے پہاڑ گرا کر بھی کشمیریوں کا آزادی حاصل کرنے کا جذبہ ٹھنڈ ا نہیں کر سکا ، انہوں نے کہا کہ جدید اسلحے اور ٹینکوں کے سامنے ہاتھوں میں پتھر اُٹھائے نہتے کشمیری تحریک آزادی کو اپنے لہو سے سینچ رہے ہیں ، ہزاروں عصمتیں لٹ گئیں ، لاکھوں شہادتیں ہوئیں اور ہزاروں نوجوانوں کو بے گناہ جیلوں کی سلاخوں کے پیچھے قید کر دیا گیا ، لیکن یہ سب کچھ ہونے کے باوجود امن کے ٹھیکیدار ممالک اپنی آنکھیں بند کئے بیٹھے ہیں ۔مقررین کا کہنا تھا کہ دنیا کی بڑی طاقتیں مقبوضہ کشمیر میں ہونے والے مظالم کو بند کرانے میں اپنا کردار ادا کریں ، اور انڈیا پر زور دین کہ وہ 71سال سے جاری بربریت اور جارحیت کو فی الفور بند کرے کیونکہ جب تک کشمیر کا مسئلہ حل نہیں ہو گا تب تک خطے میں امن قائم نہیں ہو سکتا ، مقررین کا کہنا تھا کہ ہم کسی سے الحاق نہیں بلکہ آزادی چاہتے ہیں ، پاکستان کشمیر کے حوالے سے بنائی گئی پالیسیوں پر نظر ثانی کرے ، انہوں نے کہا کہ پاکستان کی کوئی سیاسی پارٹی مسئلہ کشمیرکو حل کرنے کے لئے مخلص نہیں ہے ، مولانا فضل الرحمان کو کشمیر کمیٹی کا چیئر مین بنایا گیا لیکن انہوں نے اس کاز پر کوئی کام نہیں کیا ،مقررین کا کہنا تھا کہ آزاد کشمیر ، مقبوضہ کشمیر ، گلگت بلتستان ، ویلی کو ہم علیحدہ نہیں ہونے دیں گے بلکہ ہم ان علاقوں کو ایک آزاد ریاست دیکھنا چاہتے ہیں ، انہوں نے کہا کہ کچھ کشمیری اختلافات کو ہوا دینے کی کوشش میں ہیں لیکن ہم مقبوضہ کشمیر کو 15اگست 1947والی پوزیشن میں دیکھنا چاہتے ہیں ۔انہوں نے کہا کہ کشمیر کی آزادی کا فیصلہ دہلی میں ہو یا اسلام آباد میں لیکن فیصلے سے پہلے کشمیریوں سے اُن کی رائے ضرور لی جائے ۔تقریب کے اختتام پر شہدائے کشمیر کے درجات کی بلندی کے لئے خصوصی دعائیں بھی کی گئیں ۔