تازہ ترین
سانپ نے آدمی کو کاٹا اور پھر آدمی نے اپنی بیوی کو کاٹ لیا، لیکن زندہ کون بچا؟ ناقابل یقین واقعہ         صدی کا سب سے بڑا مقدمہ، تاریخ کے سب سے بڑے منشیات سمگلر ایل چیپو کو سخت ترین سزا سنادی گئی         28 سالہ دلہن نے 70 سالہ دولہے کو لوٹ لیا         امیر ترین ہسپانوی سپر ماڈل کی مفلسی، سڑک پر آگئی         محمد اقبال چوہدری کے تایا جان کی روح کے ایصال ثواب کے لئے قران خوانی اور ختم شریف میں معززین کی شرکت         شفقت علی رضا اور رضوان کاظمی کی پالسن کے اونر چوہدری امانت علی وڑائچ اور محمد بلال علی سے ملاقات         سپین ۔کشمیری حریت پسند مقبول احمد بٹ شہید کی 35ویں برسی کی تقریب         بہاماس میں ہیٹی سے تارکین وطن کو لے جانے والی کشتی الٹنے سے 28 مسافر ڈوب گئے         بحیرہ روم میں ہلاک ہونے والے پاکستانیوں کی تعداد میں اضافہ         لیبیا کے قریب بحرہ احمر میں کشتی الٹنے سے 90 تارکین ڈوب کر ہلاک ہوگئے         67 سالہ دولہے اور 24 سالہ دلہن کی جان کو خطرہ         پاکستان اب ای پاسپورٹ اشو کرے گا تیاریاں مکمل         اوسپتالیت میں بین المذاہب ہم آہنگی سیمینار ، پاکستانیوں کی جانب سے طاہر رفیع کی شرکت         چوہدری شوکت آف قرطبہ ریسٹورنٹ کا حافظ عبدالرزاق صادق کے اعزاز میں عشائیہ ، معززین کی شرکت         دوران پروازجہاز کے انجن میں آگ لگ گئی ، مسافر محفوظ رہے        
608306_876896_Hajj_updates

نئی پالیسی میں بغیر قربانی ، حج کے اخراجات ، 4 لاکھ 36 ہزار

نئی حج پالیسی جاری کر دی گئی، وزارت مذہبی امور کی ویب سائٹ پر جاری کی گئی حج پالیسی 2019 میں سبسڈی کی تمام امیدیں دھری رہ گئیں۔

حج درخواستیں پچیس فروری سے چھ مارچ تک وصول کی جائیں گی، حج درخواستوں کی قرعہ اندازی آٹھ مارچ کو ہوگی

پنجاب اور سرحد میں بغیر قربانی کے حج اخراجات 4 لاکھ 36 ہزار نوسو 75 روپے جبکہ کراچی سندھ اور بلوچستان ریجن کے لیے حج اخراجات بغیر قربانی 4 لاکھ 26 ہزار نو سو 75 روپے ہوں گے۔

سرکاری اسکیم کے تحت عازمین حج سے درخواستیں پچیس فروری سے چھ مارچ تک طلب کرلی گئیں، آٹھ مارچ کو قرعہ اندازی ہوگی ۔

اسلام آباد، پشاور، لاہور، ملتان سمیت خیبرپختونخوا اور پنجاب پر مشتمل شمالی ریجن کےلیے حج اخراجات بغیر قربانی چار لاکھ چھتیس ہزارنو سو پچھتر روپے ہونگے۔

کراچی، کوئٹہ اور سکھرسمیت سندھ اور بلوچستان پر مشتمل جنوبی ریجن کےلیے حج اخراجات بغیر قربانی چار لاکھ چھبیس ہزارنو سو پچھتر روپے ہوں گے۔

سرکاری حج اسکیم کے تحت ایک لاکھ سات ہزار پانچ سو چھبیس جبکہ نجی اسکیم کے ذریعے اکہترہزار چھ سو چوراسی عازمین حج کریں گے۔

نان حج کوٹہ آپریٹرز 100کمپنیوں کو 50 کے حساب سے کوٹہ ملے گا۔

80 سال سے زائد عمر کے افراد اور حج قرعہ اندازی میں تین سال سے ناکام رہنے والوں کے لیے دس دس ہزار کوٹہ مختص کیا گیا ہے۔

ہارڈ شپ کوٹہ ایک اعشاریہ پانچ فیصد ہوگا۔

رواں سال ایک لاکھ چوراسی ہزاردوسودس پاکستانی فریضہ حج ادا کر سکیں گے۔

واضح رہے کہ وفاقی وزیرمذہبی امورنورالحق قادری نے کہا  تھا کہ

آئندہ چند برسوں میں حج مزید مہنگا ہوگا، جبکہ چند برس میں حج نجی شعبے کے تحت ہی ممکن ہوسکےگا۔

انہوں نے کہا تھا کہ سعودی وزارت حج کی خواہش ہے کہ تمام ممالک حج تین سے چار سال میں بتدریج نجی شعبے کو منتقل کریں۔

انہوں نے کہا کہ فی الحال حکومت پاکستان پرائیویٹ اور سرکاری حج کوٹے میں کوئی تبدیلی نہیں کررہی ۔