تازہ ترین
سپین: کشمیری رہنما مقبول بٹ شہید کی 36ویں برسی پر تقریب         آرمی کمانڈو اور سابق باکسر ظفر پہلوان کی ساتھیوں سمیت کشمیر ریلی میں شرکت         قونصل جنرل بارسلونا کے ساتھ مل کر یوم پاکستان پروگرام کامیاب بنائیں گے ، میاں محمد اظہر و راجو الیگزینڈر         جاوید ڈار کو حمزہ جاوید ڈار کی تعلیمی کامیابی پر چوہدری نوید وڑائچ کی مبارک باد         کشمیر ریلی بارسلونا میں چوہدری نزیر احمد نواں کی بھر پور شرکت         کشمیر ریلی میں ایاز مٹھانہ ، راجہ بابر ناصر اور قدیر احمد خان کی شرکت         چوہدری امتیاز آکیہ کی کشمیر ریلی بارسلونا میں بھر پور شرکت         کشمیر ریلی رامبلہ راوال میں چوہدری گلریز بوگا کی شرکت         مسلم لیگ ن سپین قافلے کی صورت کشمیر ریلی میں شریک         ندائے کشمیر ایسوسی ایشن سپین کے زیر اہتمام کشمیر ریلی کا انعقاد         حاجی اسد حسین کی برطانیہ میں سہیل وڑائچ ، طاہر چوہدری اور حمزہ باسط بٹ سے ملاقات         کاتالونیا میں آزادی کی تحریک پھر زور پکڑ گئی ہے         کشمیر اور خالصتان کی آزادی کے لئے ریفرنڈم ٹونٹی ٹونٹی کا اعلان، شفقت علی رضا         علامہ اقبال ؒ کے یوم پیدائش پراوسپتالیت کے اُردو سکول میں شاندار تقریب         بارسلونا: آل پارٹیز کشمیر کانفرنس، کشمیری و پاکستانی کمیونٹی کی شرکت        
سپین۔ تیسرا ایشیاءٹی ٹوئنٹی کرکٹ کپ پاکستان نے جیت لیا

سپین۔ تیسرا ایشیاءٹی ٹوئنٹی کرکٹ کپ پاکستان نے جیت لیا

سپین۔ تیسرا ایشیاءٹی ٹوئنٹی کرکٹ کپ پاکستان نے جیت لیا

بارسلونا(پاک نیوز ) پاکستانیوں اور ایشئین کمیونٹی نے سپین میں کرکٹ کے فروغ میں بھی نمایاں خدمات پیش کرتے ہوئے اس کھیل کو فٹ بال کے میدانوں میں پھیلایا اور مقامی لوگوں کو بتایا کہ ہم صحت مندانہ سر گرمیوں کے دلدادہ لوگ ہیں ۔اس وقت سپین میں 33کرکٹ کلب رجسٹرڈ ہیں جو کنگ کپ اور کاتالونیا لیگ میں حصہ لیتے ہیں ، اسی سلسلے کی ایک کڑی تیسرا ایشیاءکرکٹ کپ تھا جو بارسلونا کی منجوئیک گراونڈ میں کھیلا گیا ، اس ٹورنامنٹ میں پاکستان ، انڈیا ، بنگلہ دیش اور افغانستان کی ٹیموں نے حصہ لیا ، پول میچز کے بعد فائنل کے لئے پاکستان اور افغانستان کوالیفائی کیا ، فائنل میچ دیکھنے کے لئے ایشین کمیونٹی کی کثیر تعداد میدان میں پہنچی تھی ، کاتالان کرکٹ فیڈریشن کے زیر اہتمام ہونے والے اس ایشیاءکپ میں ڈھول کی تھاپ ، نوجوانوں کے بھنگڑے اور حوصلہ افزا نعروں نے ماحول کو گرمایا ہوا تھا ۔ پاکستان نے فائنل کا ٹاس جیتا اور پہلے بیٹنگ کا فیصلہ کیا ۔یاسر علی اور ارمغان خان اوپنر بن کر میدان میںاترے ، ارمغان خان نے بہترین بیٹنگ کاا مظاہرہ کرتے ہوئے 22 رنز سکور کیا لیکن وہ رن آوٹ ہو گئے ۔حمزہ ڈار 35، بصیر خان 29 اور یاسر علی نے 24سکور کئے ، افغانستان کی طرف سے باولنگ کرتے ہوئے ، خالد احمدی نے 4وکٹیں حاصل کیں ، پاکستان نے کل سکور 133بنایا ۔جواب میں افغانستان کی پوری ٹیم 103سکور پر ڈھیر ہوگئی ، پاکستان کی طرف سے بہترین باولنگ کرتے ہوئے فیصل شاہ نے دو کھلاڑیوں کو پویلین کی راہ دکھائی جبکہ عمیر نے 3وکٹ لئے ، اس طرح پاکستانی ٹیم نے ونر ٹرافی اپنے نام کر لی ۔تیسرے ایشیاءکپ کے مہمان خصوصی معروف بزنس مین چوہدری عزیز امرہ اور پاک فیڈریشن سپین کے صدر چوہدری ثاقب طاہر تھے ۔چوہدری عزیز امرہ ، چوہدری سبط اور چوہدری ثاقب طاہر نے ونر ٹرافی پاکستان ٹیم کے کپتان محمد طارق کے سپرد کی ، جبکہ بہترین کھیل پیش کرنے والے کھلاڑیوںکو حافظ عبدالرزاق صادق ، نعیم بھٹی کنجاہ ، چاچا رشید ، طارق رفیق بھٹی ، اظہر عباس ، ممتاز منیر سہوترہ ، چوہدری سبط ، شاہد لطیف گجر ، اشرف مغل ، عدیل احمد ، سکھا سنگھ ، ملک عدنان ، رانا ندیم ، ملک عمران ، مرزا بشارت نے میڈلز دیئے ۔ ٹورنامنٹ انٹطامیہ ملک عمران اور مرزا بشارت کی قیادت میں تمام انتظامات سنبھالے ہوئے تھی ، ٹورنامنٹ کی کامیابی کے پیچھے ملک عمران کی خصوصی کاوشیں شامل حال رہیں ، سپین میں مقیم ایشین کمیونٹی نے ایسے ایونٹس کے انعقاد کو خوش آئند قرار دیتے ہوئے کہا ہے کہ اس طرح مقامی کمیونٹی کے سامنے ہم اپنا سافٹ امیج رکھ سکتے ہین اور انہیں بتا سکتے ہیں کہ ہم پر امن اور صحت مندانہ سرگرمیوں کو پسند کرنے والی قوم ہیں ۔پاکستان نے تیسرا ایشیاءکپ جیت کر ہیٹرک کر لی اور تینوں بار ایشیاءکپ جیتنے والی ٹیم کو مقامی کمیونٹی سمیت دوسری شخصیات نے خراج تحسین پیش کیا ہے اور کہا ہے کہ وہ دن دور نہیں جب سپین کی قومی کرکٹ ٹیم میں زیادہ تعداد پاکستانیوں کی ہو گی اور یہ ٹیم ورلڈ کپ ضرور کھیلے گی ۔