تازہ ترین
سپین: کشمیری رہنما مقبول بٹ شہید کی 36ویں برسی پر تقریب         آرمی کمانڈو اور سابق باکسر ظفر پہلوان کی ساتھیوں سمیت کشمیر ریلی میں شرکت         قونصل جنرل بارسلونا کے ساتھ مل کر یوم پاکستان پروگرام کامیاب بنائیں گے ، میاں محمد اظہر و راجو الیگزینڈر         جاوید ڈار کو حمزہ جاوید ڈار کی تعلیمی کامیابی پر چوہدری نوید وڑائچ کی مبارک باد         کشمیر ریلی بارسلونا میں چوہدری نزیر احمد نواں کی بھر پور شرکت         کشمیر ریلی میں ایاز مٹھانہ ، راجہ بابر ناصر اور قدیر احمد خان کی شرکت         چوہدری امتیاز آکیہ کی کشمیر ریلی بارسلونا میں بھر پور شرکت         کشمیر ریلی رامبلہ راوال میں چوہدری گلریز بوگا کی شرکت         مسلم لیگ ن سپین قافلے کی صورت کشمیر ریلی میں شریک         ندائے کشمیر ایسوسی ایشن سپین کے زیر اہتمام کشمیر ریلی کا انعقاد         حاجی اسد حسین کی برطانیہ میں سہیل وڑائچ ، طاہر چوہدری اور حمزہ باسط بٹ سے ملاقات         کاتالونیا میں آزادی کی تحریک پھر زور پکڑ گئی ہے         کشمیر اور خالصتان کی آزادی کے لئے ریفرنڈم ٹونٹی ٹونٹی کا اعلان، شفقت علی رضا         علامہ اقبال ؒ کے یوم پیدائش پراوسپتالیت کے اُردو سکول میں شاندار تقریب         بارسلونا: آل پارٹیز کشمیر کانفرنس، کشمیری و پاکستانی کمیونٹی کی شرکت        

سپین کے سابق کوچ کی بیٹی کینسر کیخلاف جنگ ہار گئی

اسپین کی فٹ بال ٹیم کے سابق کوچ لوئس اینرک کی 9 سالہ بیٹی کینسر کے خلاف جنگ ہارگئی۔

بارسلونا کے سابق مڈ فیلڈر 49 سالہ لوئس اینرک نے بیٹی کی بیماری کے باعث جون میں اسپین کی قومی ٹیم کی کوچنگ سے علیحدگی اختیار کرلی تھی، ابتداء میں انہوں نے عارضی طور پر ذمہ داریاں اُس وقت کے اسسٹنٹ کوچ رارٹ مورینو کے حوالے کی تھیں، بعد ازاں اپنی فیملی کو مکمل توجہ دینے کے لیے عہدے سے استعفیٰ دے دیا تھا۔

سماجی رابطے کی ویب سائٹ ٹوئٹر پر ایک بیان میں اینرک نے بتایا کہ ہماری بیٹی ژانا ہڈیوں کے کینسر کے خلاف پانچ ماہ تک جنگ لڑنے کے بعد چل بسی۔

بارسلونا فٹ بال کلب کے صدر جوزف ماریا بارٹومیو نےاینرک سے اظہار تعزیت کیا ہے۔

لوئس اینرک بحیثیت کھلاڑی دو لیگا ٹائٹل جیتنے والے بارسلونا کلب کا حصہ تھے جبکہ منیجر کے طورپر 11 سال کلب کے ساتھ رہے۔

اسپین کی ٹیم کے سابق کپتان سرجیو راموس نے تعزیت کرتے ہوئے کہا ہے کہ ہماری تمام ہمدردی اور پیار آپ کی فیملی کے ساتھ ہے، میرے پاس الفاظ نہیں لیکن آپ ہمیں ہمیشہ اپنے ساتھ پائیں گے۔

نیویارک میں کھیلے جانے والے یو ایس اوپن میں شریک رافیل نڈال نے اظہار تعزیت کرتے ہوئے کہا ہے کہ وہ اہل خانہ کی تکلیف کا تصور بھی نہیں کرسکتا۔