تازہ ترین
حاجی اسد حسین کی برطانیہ میں سہیل وڑائچ ، طاہر چوہدری اور حمزہ باسط بٹ سے ملاقات         کاتالونیا میں آزادی کی تحریک پھر زور پکڑ گئی ہے         کشمیر اور خالصتان کی آزادی کے لئے ریفرنڈم ٹونٹی ٹونٹی کا اعلان، شفقت علی رضا         علامہ اقبال ؒ کے یوم پیدائش پراوسپتالیت کے اُردو سکول میں شاندار تقریب         بارسلونا: آل پارٹیز کشمیر کانفرنس، کشمیری و پاکستانی کمیونٹی کی شرکت         پاکستانی کمیونٹی کو ترقی کی منازل طے کرنے کے لئے راجہ ضیا صدیق کا خوبصورت مشورہ         وزیر اعظم پاکستان عمران خان کی دبنگ تقریر پر چوہدری ایاز مٹھانہ چک کے تاثرات         چوہدری افضال وڑائچ کے والد کی وفات پر پاکستانی کمیونٹی کا اظہار افسوس اور دعائے مغفرت         سابق وزیر خزانہ رانا محمد افضل کی وفات پر مسلم لیگ ن سپین کا اظہار افسوس         انٹرنیشنل امن کانفرنس سپین ،مولانا عبدالخبیر آزاد کی شرکت         سپین میں امراض جگر کے اسپیشلسٹ پہلے پاکستانی ڈاکٹر عرفان مجید راجہ سے بات چیت، پاک نیوز رپورٹ         کاتالان کرکٹ لیگ فائنل کے مہمان خصوصی چوہدری عزیز امرہ ونر ٹرافی دیتے ہوئے         کاتالان کرکٹ لیگ کی چیمپیئن پاک آئی کیئر نے اپنی جیت کشمیری بھائیوں کے نام کر دی         قونصلیٹ آفس بارسلونا میں کشمیر کے حق میں احتجاج مختلف شعبہ ہائے زندگی کے معززین کی شرکت         آل پاکستان فیملی ایسوسی ایشنز، اظہار ایسوسی ایشن، ایسوسی ایشن پیس فار پیس کے زیر اہتمام ہر سال کی طرح اس سال بھی ہسپیتالت میں پاکستانی بچوں میں تعلیم کو فروغ دینے کے سلسلے میں پروگرام Back to school کا انعقاد کیا        

حکومتی دعوے دھرے رہ گئے، پنجاب میں پولیس ملازمین کی زیادتیاں جاری

پنجاب میں پولیس کی زیادتیاں جاری ‘حکومتی دعوے دھرے کے دھرے رہ گئے ‘کوٹ رادھا کشن اور لڈن میں پولیس تشدد کے مزید واقعات سامنے آئے ہیں‘پاکپتن میں بابا فرید کے مزارپرسب انسپکٹر کا بزرگ شہری پر تشدد‘ڈی پی اونے سب انسپکٹرکو معطل کرنے کا حکم دیدیا‘قصور میں تشددسے نوجوان کی حالت غیر ہوگئی ‘تھانہ لڈن پولیس کا خاتون پر تشددکے بعد سبزی منڈی کے ایک آڑھتی پرتشدد کا واقعہ سامنے آیا ہے جسے مقامی زمیندار کے ایماپر بغیرایف آئی آر گرفتار کرکےتشددکانشانہ بنا کر بازوتوڑڈالا ‘آرپی اونے ایس ایچ اوکی گرفتاری کا حکم دیدیا ‘ادھر فیروزوالاکچہری میں وکیل کے ہاتھوں تھپڑ کھانے والی لیڈی کانسٹیبل فائزہ نے انصاف نہ ملنے پر پولیس کی نوکری سے ہی استعفیٰ دے دیا‘خودکشی کی دھمکی ‘ترجمان پنجاب حکومت شہبازگل کا کہناہے کہ تھپڑ پر گولی کی دفعہ نہیں لگاسکتے‘ادھر لاہور کے تھانہ شمالی چھائونی میں زیر حراست ملزم کی مبینہ تشدد سے ہلاکت کی ایف آئی آرانچارج انویسٹی گیشن سمیت 6

افراد کے خلاف درج کر لی گئی‘عامر مسیح کے پوسٹمارٹم سے تشدد کی تصدیق ہوگئی ہے۔تھانہ کوٹ رادھاکشن پولیس نے ایک نوجوان کوچوری کا موبائل خریدنے کے الزام میں بہیمانہ تشدد کانشانہ بنایا‘حالت غیر ہونے پر اُسےورثاء کے حوالے کردیا جنہوں نے اسےجناح ہسپتال لاہور داخل کرادیا ہے جہاں اسکی حالت نازک بیان کی جا رہی ہے۔ حقائق جاننے کیلئے انکوائری کمیٹی تشکیل دے دی گئی ہے۔تھانہ لڈن پولیس کے خاتون پر تشدد کے بعد سبزی منڈی کے ایک آڑھتی محمد الیاس پرتشدد کا واقعہ سامنے آیا ہے، جسے مقامی زمیندار کے ایماپر بغیرایف آئی آر گرفتار کرکےتشددکانشانہ بنا کر بازو توڑ ڈالا ۔خاتون ظہور الہیٰ پر لڈن پولیس کے تشددکی خبر کا وزیر اعلیٰ پنجاب کے نوٹس لینےپر آر پی اوملتان وسیم خان لڈن پہنچے اورمظلوم خاتون سے ملاقات کی ۔ آ ر پی او ملتان وسیم احمد خان کی آمد کا پتہ چلنے پر الیاس نے تھانہ لڈن پہنچ کر اپنی فریاد پیش کی ۔آ ر پی او نےحقائق پوچھنے کے بعد ایس ایچ او لڈن عارف شاہ کو فوری گرفتار کرنے اور مقدمہ درج کرنے کا حکم دے دیا ۔دریں اثناء باخبر ذرائع نے بتایا ہے کہ فائزہ نواز کیس کے سلسلہ میں پولیس اور وکلا ٗبرادری کے درمیان صلح کروانے کی کوششیں شروع ہوگئی ہیں ۔دریں اثناء ڈی پی او شیخوپورہ محمد صلاح الدین غازی نے کہا ہے کہ ایڈووکیٹ احمد مختار کی ضمانت کی درخواست میرٹ پر منظور ہوئی ہے اس کے خلاف ایف آئی آر میں لگائی جانے والی دفعات قابل ضمانت تھیں۔ ادھر لاہور کے تھانہ شمالی چھائونی میں زیر حراست ملزم کی مبینہ تشدد سے ہلاکت کی ایف آئی آرانچارج انویسٹی گیشن سمیت 6 افراد کے خلاف درج کر لی گئی، انچارج انویسٹی گیشن انسپکٹر ناصر بیگ گرفتار ہے، سب انسپکٹر ذیشان کی گرفتاری کے لئے چھاپے مارے جا رہے ہیں، ایف آئی آر میں 4 نامعلوم کانسٹیبلز بھی نامزد ہیں، تفتیش میں شناخت پر انہیں بھی گرفتار کیا جائے گا۔