تازہ ترین
بارسلونا: آل پارٹیز کشمیر کانفرنس، کشمیری و پاکستانی کمیونٹی کی شرکت         پاکستانی کمیونٹی کو ترقی کی منازل طے کرنے کے لئے راجہ ضیا صدیق کا خوبصورت مشورہ         وزیر اعظم پاکستان عمران خان کی دبنگ تقریر پر چوہدری ایاز مٹھانہ چک کے تاثرات         چوہدری افضال وڑائچ کے والد کی وفات پر پاکستانی کمیونٹی کا اظہار افسوس اور دعائے مغفرت         سابق وزیر خزانہ رانا محمد افضل کی وفات پر مسلم لیگ ن سپین کا اظہار افسوس         انٹرنیشنل امن کانفرنس سپین ،مولانا عبدالخبیر آزاد کی شرکت         سپین میں امراض جگر کے اسپیشلسٹ پہلے پاکستانی ڈاکٹر عرفان مجید راجہ سے بات چیت، پاک نیوز رپورٹ         کاتالان کرکٹ لیگ فائنل کے مہمان خصوصی چوہدری عزیز امرہ ونر ٹرافی دیتے ہوئے         کاتالان کرکٹ لیگ کی چیمپیئن پاک آئی کیئر نے اپنی جیت کشمیری بھائیوں کے نام کر دی         قونصلیٹ آفس بارسلونا میں کشمیر کے حق میں احتجاج مختلف شعبہ ہائے زندگی کے معززین کی شرکت         آل پاکستان فیملی ایسوسی ایشنز، اظہار ایسوسی ایشن، ایسوسی ایشن پیس فار پیس کے زیر اہتمام ہر سال کی طرح اس سال بھی ہسپیتالت میں پاکستانی بچوں میں تعلیم کو فروغ دینے کے سلسلے میں پروگرام Back to school کا انعقاد کیا         قونصل جنرل بارسلونا عمران علی چوہدری کی کاتالونیا کے نیشنل ڈے کی تقریبات میں شرکت         قونصل جنرل بارسلونا عمران علی چوہدری کی کاتالونیا کے صدر کوائم تورا سے ملاقات         قونصل جنرل بارسلونا عمران علی چوہدری کی صوبائی فارن منسٹر الفریڈ بوش ای پاسکوال سے ملاقات         ظہیر جنجوعہ نے نئی سفارتی ذمہ داریاں سنبھال لیں        

تھائی لینڈ میں ہاتھی کو لوری گا کرسلانے والی خاتون

paknews تھائی لینڈ: تھائی لینڈ سے تعلق رکھنے والی ہاتھیوں کی نگہبان خاتون کی لوری سن کر ان کا پالتو ہاتھی کسی معصوم بچے کی طرح چند منٹوں میں سو جاتا ہے۔
ویسے تو انسان اور جانوروں کی دوستی کے کئی قصے مشہور ہیں لیکن تھائی لینڈ سے تعلق رکھنے والی لیک شائلرت نامی خاتون کی کہانی بالکل منفرد ہے۔ وہ اپنی جادوئی آواز سے اتنی میٹھی لوری سناتی ہیں کہ ہاتھی کی آنکھیں نیند سے بوجھل ہونے لگتی ہیں۔ یہ کوئی اتفاق نہیں بلکہ کئی سالوں سے ایسا ہی ہو رہا ہے۔ خاتون کا پالتو فامائی نامی ہاتھی جب بھی اپنی مالکن کی مدھر آواز میں لوری سنتا ہے تو اسے نیند آجاتی ہے۔
ہاتھی سونے سے پہلے اپنی سونڈ سے خاتون کو قریب کر کے گلے لگاتا ہے اور پھر آہستہ آہستہ گھٹنوں کے بل بیٹھتے ہوئے سونے کے لیے لیٹ جاتا ہے۔ اس دوران خاتون مسلسل دھیمی آواز میں لوری گاتی رہتی ہے اور اپنے ہاتھ میں موجود ایک کپڑے سے ہاتھی پر بیٹھنے والی مکھیوں کو اُڑاتی رہتی ہے تاکہ وہ آرام سے سو سکے۔ خاتون ہاتھی کی سونڈ کے ساتھ پیار سے بیٹھ کر لوری گاتی رہتی ہے اور ہاتھی گہری نیند میں چلا جاتا ہے۔
خاتون کئی سالوں سے ہاتھیوں کے ساتھ رہ رہی ہے۔ ہاتھیوں کی نسل کو درپیش خطرات کے خلاف ہر مہم کا حصہ ہوتی ہے۔ خاتون کے بارے میں مشہور ہے کہ وہ ہاتھیوں کی باتیں بھی سمجھ سکتی ہے اور اس حوالے ان کی زندگی پر کئی ڈاکیومنٹریز بھی بن چکی ہیں۔